கருணாநிதி வழியை பின்பற்றுங்கள்...ஸ்டாலினுக்கு லாலு பிரசாத் வாழ்த்து

Updated: Sunday, May 2, 2021, 20:13 [IST]

Subscribe to Oneindia Tamil

பாட்னா : தமிழக சட்டசபை தேர்தல் ஏப்ரல் 6 ம் தேதி நடைபெற்றது. இதில் பதிவான ஓட்டுக்கள் இன்று எண்ணப்பட்டு வருகின்றன. இதில் அதிக இடங்களில் திமுக கூட்டணி முன்னனியில் இருந்து வருகிறது. இதனால் தமிழகத்தில் 10 ஆண்டுகளுக்கு பிறகு திமுக ஆட்சி அமைக்க போவது உறுதியாகி உள்ளது.

இந்நிலையில் திமுக அதிக இடங்களில் வெற்றி முகத்தில் இருப்பதற்கு தலைவர்கள் பலரும் திமுக தலைவர் ஸ்டாலினுக்கு வாழ்த்து தெரிவித்து வருகின்றனர். இந்நிலையில் பீகார் முன்னாள் முதல்வரும் ராஷ்டிரிய ஜனதா தளம் கட்சியின் தலைவருமான லாலு பிரசாத் யாதவும் ஸ்டாலினுக்கு ட்விட்டரில் வாழ்த்து தெரிவித்துள்ளார்.

Lalu wishes to Stalin recalles Karunanithi

அவர் தனது பதிவில், திரு.ஸ்டாலின் பெற்றுள்ள மகத்தான வெற்றிக்கு எனது வாழ்த்துக்கள். மதிப்பிற்குரிய கலைஞர் கருணாநிதியை போன்று நீங்களும் சமூக நீதியை முன்னெடுத்து சென்று திராவிட சகோதர, சகோதரிகளின் எதிர்பார்ப்புக்களை நிறைவேற்றுவீர்கள் என நம்புகிறேன். இவ்வாறு லாலு பிரசாத் குறிப்பிட்டுள்ளார்.

லாலு பிரசாத்தின் இந்த வாழ்த்து பதிவை ஆயிரக்கணக்கானவர்கள் ரீட்வீட் செய்தும், லைக் செய்தும் வருகின்றனர். மறைந்த திமுக தலைவர் கருணாநிதியை குறிப்பிட்டு லாலு பிரசாத் வாழ்த்து கூறி இருப்பது திமுக தொண்டர்களை உற்சாகமடைய செய்துள்ளது.