தாமரைக்கு கேட்.. புதுச்சேரியில் உள்ள ஒரு தொகுதியையும் கைப்பற்றும் காங்கிரஸ்!

புதுச்சேரி மக்களவை தொகுதியில் காங். வேட்பாளர் வைத்தியலிங்கம் 80 ஆயிரம் வாக்குகள் முன்னிலை வகிக்கிறார்.

புதுச்சேரி: புதுச்சேரி மக்களவை தொகுதியில் காங். வேட்பாளர் வைத்தியலிங்கம் 80 ஆயிரம் வாக்குகள் முன்னிலை வகிக்கிறார்.

லோக்சபா தேர்தல் முடிவுகள் காலையில் இருந்து வெளியாகி வருகிறது. காலை 8 மணிக்கு தொடங்கிய வாக்கு எண்ணிக்கைக்கு வேகமாக நடைபெற்று வருகிறது. லோக்சபா தேர்தல் முடிவுகள் யாருமே எதிர்பார்க்காத அளவிற்கு பாஜகவிற்கு சாதகமாக வந்துள்ளது. பாஜக தனிப்பெரும்பான்மை பெற்று ஆட்சி அமைக்கும் நிலை ஏற்பட்டு உள்ளது.

தமிழகத்தில் பாஜக - அதிமுக கூட்டணி பெரிய தோல்வியை நோக்கி சென்று கொண்டு இருக்கிறது. தமிழகத்தில் பாஜக கூட்டணி 36 இடங்களில் முன்னிலை வகிக்கிறது. மாறாக, அதிமுக கூட்டணி இரண்டு இடங்களில் மட்டுமே முன்னிலை வகிக்கிறது.

இந்த நிலையில் புதுச்சேரியிலும் திமுக கூட்டணி முன்னிலை வகிக்கிறது. திமுக கூட்டணியை சேர்ந்த காங்கிரஸ் கட்சி வேட்பாளர் வைத்தியலிங்கம் முன்னிலை வகித்து வருகிறார். இவர் 1,77,340 வாக்குகள் பெற்று இருக்கிறார்.

என் ஆர் காங்கிரஸ் 92048 வாக்குகள் பெற்று இருக்கிறது. மக்கள் நீதி மய்யம் 14,908 வாக்குகள் பெற்றுள்ளது. நாம் தமிழர் 6500 வாக்குகள் பெற்றுள்ளது. தற்போது 85292 வாக்குகள் வித்தியாசத்தில் இங்கு காங்கிரஸ் முன்னிலை வகிக்கிறது.

ஏற்கனவே தமிழகத்தில் திமுக கூட்டணி அதிக இடங்கள் வென்று இருக்கும் நிலையில் புதுச்சேரியில் ஒரே ஒரு இடத்தையும் திமுக கூட்டணி கைப்பற்றியுள்ளது.

English summary

Lok Sabha Elections Results 2019: Congress party leads in Puducherry seat.