புதுச்சேரியில் காங். வெற்றி.. என்.ஆர். காங்கிரஸை வீழ்த்தி ஜான் குமார் அபாரம்

புதுச்சேரி: புதுச்சேரி காமராஜர் நகர் இடைத் தேர்தலில் காங்கிரஸ் வேட்பாளர் ஜான் குமார் வெற்றி பெற்றார்.

புதுச்சேரியில் உள்ள காமராஜர் நகர் தொகுதியில் கடந்த 21ம் தேதி இடைத் தேர்தல் நடைபெற்றது. இங்கு காங்கிரஸ் சார்பில் ஜான் குமாரும், என் ஆர் காங்கிரஸ் சார்பில் புவனேஸ்வரனும் போட்டியிட்டனர். நாம் தமிழர் கட்சியும் தனது வேட்பாளரை களம் இறக்கியிருந்தது.

இந்தத் தொகுதியில் பதிவான வாக்குகளை எண்ணும் பணி இன்று காலை தொடங்கியது. லாஸ்பேட்டையில் உள்ள மோதிலால் நேரு அரசு ஆண்கள் தொழில்நுட்பக் கல்லூரியில் வாக்கு எண்ணிக்கை நடந்தது.

இங்கு தபால் வாக்குகள் எதுவும் பதிவாகவில்லை. இதனால் மக்கள் அளித்த வாக்குகள் நேரடியாக எடுத்துக் கொள்ளப்பட்டன. ஆரம்பத்திலிருந்தே ஜான் குமார் முன்னிலை வகித்து வந்தார். வாக்கு எண்ணிக்கையின் இறுதியில் அவர் 14,782 வாக்குகள் பெற்று வெற்றி பெற்றார். அவரை எதிர்த்துப் போட்டியிட்ட என் ஆர் காங்கிரஸ் வேட்பாளர் புவனேஸ்வரன் 7611 வாக்குகளை மட்டுமே பெற்றார். நாம் தமிழர் கட்சி வேட்பாளர் பிரவீனா 392 வாக்குகள் பெற்றார்.

இத்தொகுதியை காங்கிரஸ் தக்க வைத்துள்ளது. ஜான் குமார் வெற்றியை காங்கிரஸார் புதுச்சேரி முழுவதும் கொண்டாடி வருகின்றனர்.

English summary

Congress candidate John kumar is taking the lead in Puducherry Kamarajar Nagar by election.