என்ன வேண்டுமோ சாப்பிடுங்க! தூய்மை பணியாளர்களுக்கு ஸ்டார் ஹோட்டலில் விருந்து கொடுத்த திமுக எம்.எல்.ஏ!
தூய்மைப் பணியாளர்களுக்கு ஸ்டார் ஹோட்டலில் விருந்து கொடுத்த திமுக எம்.எல்.ஏ. சம்பத்.
புதுச்சேரி: புதுச்சேரி முதலியார்பேட்டை தொகுதி திமுக எம்.எல்.ஏ. சம்பத், தனது பிறந்தநாளை ஒட்டி தூய்மைப் பணியாளர்களுக்கு ஸ்டார் ஹோட்டலில் விருந்து கொடுத்திருக்கிறார்.
Buffet முறையில் வேண்டும் என்பதை எவ்வளவு வேண்டுமானாலும் கேட்டு வாங்கி சாப்பிடக்கூடிய வகையில் இந்த விருந்து இருந்தது.
விருந்து கொடுத்தது மட்டுமன்றி பெண் தூய்மைப் பணியாளர்கள் அனைவருக்கும் சேலை ஒன்றையும் பிறந்தநாள் பரிசாக கொடுத்தார் திமுக எம்.எல்.ஏ. சம்பத்.
புதுச்சேரி திமுக எம்.எல்.ஏ.
புதுச்சேரியில் முதலியார்பேட்டை தொகுதி திமுக சட்டமன்ற உறுப்பினராக இருப்பவர் சம்பத். இவர் புதுச்சேரி அரசியலிலும், புதுச்சேரி திமுகவிலும் கிடுகிடுவென வளர்ந்து வரும் பிரமுகராக உள்ளார். இந்நிலையில் நேற்று முன் தினம் தனது பிறந்தநாளை கொண்டாடிய சம்பத் எம்.எல்.ஏ., தனது தொகுதியில் தூய்மைப் பணியில் ஈடுபட்டு வரும் பணியாளர்களுக்கு சிறப்பு விருந்து ஒன்று கொடுக்க திட்டமிட்டார்.
மெனு கார்டு
அதன்படி தனது தொகுதியை சேர்ந்த அனைத்து தூய்மைப் பணியாளர்களையும் அழைத்துக் கொண்டு புதுச்சேரியில் உள்ள பிரபல நட்சத்திர உணவகத்துக்கு சென்ற அவர், என்ன வேண்டுமோ கூச்சப்படாமல் வாங்கி சாப்பிடுங்க என Buffet முறையிலான விருந்தை துவக்கி வைத்தார். மெனுவில் பிரியாணி, பன்னீர் பட்டர் மசாலா, உள்ளிட்ட ஏராளமான சைவ, அசைவ கிரேவி வகைகள் இடம்பெற்றிருந்தன.
தூய்மைப் பணியாளர்கள் வாழ்த்து
தூய்மைப் பணியாளர்களுக்கு விருந்து பரிமாறிய கையோடு தானும் ஒரு தட்டில் சாப்பாடு போட்டுக் கொண்டு போய் அவர்கள் மத்தியில் அமர்ந்து சாப்பிட்டார் திமுக எம்.எல்.ஏ. சம்பத். அதேபோல் விருந்து முடிந்ததும் தூய்மைப் பணியாளர்களுக்கு சேலையை பரிசாக கொடுத்து வழியனுப்பி வைத்தார். இதனால் திக்குமுக்காடி போன தூய்மைப் பணியாளர்கள் சம்பத் எம்.எல்.ஏ.வை வாழ்த்தியபடி புறப்பட்டனர்.
புதுச்சேரி சிவா
திமுக எம்.எல்.ஏ. சம்பத் நடத்திய பிறந்தநாள் விருந்து நிகழ்ச்சியில் புதுச்சேரி மாநில திமுக அமைப்பாளரும், சட்டமன்ற உறுப்பினருமான சிவாவும் கலந்துகொண்டார் என்பது குறிப்பிடத்தக்கது.
Click it and Unblock the Notifications
Sign in with Google