மத்திய அமைச்சரை மறந்து சென்ற பாஜக தலைவர்கள்.. கார் வராததால் கடுப்பான மன்சுக் மண்டவியா.. ஒரே பரபரப்பு

புதுச்சேரி: புதுவை வந்த மத்திய அமைச்சர் மான்சுக் மாண்ட்வியா தனது வாகனம் வராததால் பாதுகாவலர்களை கடிந்து கொண்டபடி அரை கிமீ தூரம் சாலையில் நடந்து சென்ற சம்பவம் பரபரப்பை ஏற்படுத்தியது. 2 நாள் பயணமாக பாஜக தேசிய செயல் தலைவர் நிதின் நபின், மன்சுக் மாண்ட்வியா புதுவை வருகை தந்திருந்தனர்.

பாஜக தேசிய செயல் தலைவர் நிதின் நபின் 2 நாட்கள் பயணமாக புதுவை வருகை தந்துள்ளார். பூத் கமிட்டி மற்றும் கட்சி நிர்வாகிகளுடனான சந்திப்பு என பல்வேறு நிகழ்ச்சிகளில் கலந்துகொள்கிறார். இவருடன் மத்திய தொழிலாளர் துறை அமைச்சரும், புதுவை பாஜக பொறுப்பாளருமான மண்சுக் மாண்ட்வியாவும் வருகை தந்து இருந்தார்.

சென்னையில் இருந்து கார் மூலமாக நிதின் நபின் புதுகை வருகை தந்தார். அப்போது அவரை வரவேற்க புதுவை பாஜக முக்கிய நிர்வாகிகள் நமச்சிவாயம், ராமலிங்கம், கல்யாண சுந்தரம் ஆகியோர் வருகை தந்தனர். அப்போது அவர்கள் தமிழ்நாடு புதுவை எல்லையான கோரிமேடு பகுதியில் காத்திருந்தனர்.

பாஜக தேசிய தலைவர் நிபின் நபின் வந்ததும் அவரை பாஜக நிர்வாகிகள் வரவேற்றனர். இதையடுத்து அவர் அந்த காரில் இருந்து இறங்கி ரோடு ஷோ செல்வதற்காக மற்றொரு வாகனத்தில் ஏறினார். அப்போது நிதின் நபினுடன் பாஜக நிர்வாகிகள் நமச்சிவாயம், ராமலிங்கம், கல்யாணசுந்தரம் ஆகிய உள்ளூர் தலைவர்கள் ஏறினர்.

ஆனால் மத்திய அமைச்சர் மண்சுக் மாண்வியாவை மறந்துவிட்டனர். இதற்கிடையே நிதின் நபின் ரோடு ஷோவாக சென்றார். இதனால் அவரது வாகனத்தை கூட்டம் சுற்றிக்கொண்டது. இதனால் மண்சுக் மாண்ட்வியாவின் காரால் முன்னே வர முடியவில்லை. இதனால் பாதுகாவலர்களை கடிந்து கொண்ட மண்சுக் மாண்ட்வியா சாலையில் நடக்க தொடங்கினார்.

கால் கிலோ மீட்டர் முதல் அரை கிலோ மீட்டர் வரை மன்சுக் மாண்ட்வியா நடந்தே வந்தார். அப்போது பாதுகாவலர்கள் அவரை சுற்றி நின்றபடி அவருடன் வந்தனர். ஜிப்மர் மருத்துவமனை வரை அவர் 10 நிமிடங்கள் நடந்தே வந்தார். என்னுடைய வாகனம் எங்கே என அவர் தனது பாதுகாவலர்களை கடிந்துகொண்டபடியே வந்தார்.

ஒரு மத்திய அமைச்சருக்கு கூட பாதுகாப்பு கொடுக்க முடியவில்லையா.. நடந்து தான் வர வேண்டுமா? என்று கூறியபடியே வந்தார். பாதுகாவலர்கள் வரும் வாகனம் அங்கு வரவைக்கப்பட்டது. தொடர்ந்து அந்த வாகனத்தில் அவர் ஏறி சென்றார். இந்த சம்பவத்தால் அங்கு பெரும் பரபரப்பு ஏற்பட்டது.

English summary

An incident involving Union Minister Mansukh Mandaviya caused a stir in Puducherry after he walked nearly half a kilometer on the road while reprimanding security personnel, as his vehicle failed to arrive on time. The episode occurred during the two-day visit of BJP National Executive President Nitin Nabin and Mansukh Mandaviya to Puducherry.