மோடிக்கு ஒரு நியாயம்.. ஸ்டாலினுக்கு ஒரு நியாயமா.. வானதி சீனிவாசனுக்கு வந்த கோபம்
புதுவை: தொழில் முதலீட்டை ஈர்ப்பதற்காக வெளிநாட்டுக்கு சென்றுள்ள தமிழக முதல்வர் ஸ்டாலினை வாழ்த்துவோர், நாட்டின் வளர்ச்சிக்காக பிரதமர் மோடி செல்லும் போது மட்டும் விமர்சிப்பது ஏன் என பாஜக எம்எல்ஏ வானதி ஸ்ரீனிவாசன் கேள்வி எழுப்பியுள்ளார்.
4 நாட்கள் பயணமாக முதல்வர் ஸ்டாலின் துபாய், அபுதாபி சென்றுள்ளார். கடந்த புதன்கிழமை துபாய் சென்ற முதல்வர் ஸ்டாலினை இந்திய தூதர் ஜெனரல் அமீர் பூரி மற்றும் அமீரக அமைச்சர்கள் விமான நிலையத்திற்கே சென்று வரவேற்றனர்.
துபாயில் நடக்கும் உலக அளவிலான எக்ஸ்போவில் தமிழகத்தின் அரங்கை திறந்து வைப்பதற்காக முதல்வர் ஸ்டாலின் துபாய் சென்றார். அங்கு அந்த அரங்கை திறந்து வைத்து பல்வேறு தொழிலதிபர்களை முதல்வர் சந்தித்து பேசினார்.
துபாய் விமான நிலையம்
துபாயில் விமான நிலையத்தில் இறங்கிய முதல்வர் ஸ்டாலின், ஓட்டல் செல்வதற்கு துபாய் அரசு சார்பில் பிஎம்டபிள்யூ கார் அனுப்பப்பட்டது. முதல்வருக்கு துபாய் அரசு அளித்த வரவேற்பு இவையெல்லாம் சமூகவலைதளங்களில் வைரலாகி வருகின்றன. சிலர் அரபிக் குத்து பாடலை பேக் கிரவுண்டில் போட்டு கொண்டாடி வருகிறார்கள்.
வானதி ஸ்ரீனிவாசன்
இந்த நிலையில் முதல்வரின் துபாய் பயணத்தை வரவேற்றுள்ள பாஜக எம்எல்ஏ வானதி ஸ்ரீனிவாசன், திமுகவினருக்கு ஒரு கேள்வியையும் முன் வைத்துள்ளார். புதுச்சேரியில் பாஜக சார்பில் நடந்த கூட்டத்தில் பாஜக மகளிரணி தேசிய தலைவர் வானதி ஸ்ரீனிவாசன் கலந்து கொண்டார்.
முதலீடுகளை ஈர்க்க
அப்போது அவர் செய்தியாளர்களிடம் பேசுகையில் மத்திய அரசு திட்டங்கள் குறித்து விழிப்புணர்வு ஏற்படுத்தும் வகையிலும் அதன் பலன்கள் குறித்து விளக்கப்பட்டது. புதிய முதலீடுகளை உருவாக்கவும் முதலீட்டாளர்களை ஈர்க்கவும் வெளிநாடு சென்ற தமிழக முதல்வர் பயணத்தை வரவேற்கிறோம்.
Recommended Video
மோடிக்கு ஏன் எதிர்ப்பு
அதே சமயத்தில் நாங்கள் விமர்சனம் செய்யவில்லை. இதே நோக்கத்திற்காகதான் பிரதமர் மோடி பல்வேறு நாடுகளுக்கு சுற்றுப்பயணம் மேற்கொண்டார். ஆனால் அப்போதெல்லாம் திமுக விமர்சனம் செய்தது ஏன் என அவர் கேள்வி எழுப்பியுள்ளார்.
Click it and Unblock the Notifications
Sign in with Google