நடிகர்கள் பொருள்களின் தரம்பார்த்து விளம்பரங்களில் நடிக்கவில்லையெனில்.. விக்கிரமராஜா எச்சரிக்கை
புதுக்கோட்டை: நடிகர்கள் பொருள்களின் தரம்பார்த்து விளம்பரங்களில் நடிக்கவில்லையெனில் விஜய்சேதுபதியின் சங்கத்தமிழன் திரைப்படம் போல தோல்வியை சந்திக்கும் என தமிழ்நாடு வணிகர் சங்க பேரவை நிறுவனர் விக்கிரமராஜா எச்சரித்துள்ளார்.
விஜய் சேதுபதி அண்மையில் ஒரு ஆன்லைன் பலசரக்கு கடை விளம்பரத்தில் நடித்தார். இந்த தளத்தில் ஒரே தளத்தில் அனைத்து மளிகை பொருட்களையும் வீட்டில் இருந்ததே ஆர்டர் செய்து வாங்கலாம் என்று நடித்திருந்தார்.
இந்த விளம்பரத்தை பார்த்து கொதித்து போன தமிழக வியாபாரிகள், விஜய் சேதுபதிக்கு எதிராக போராட்டத்தில் குதித்தனர். விளம்பரத்தை திரும்ப பெற வேண்டும் என்றும் வியாபாரிகளை பாதிக்கும் விளம்பரங்களில் நடிக்க கூடாது என்றும் வலியுறுத்தினர்.
அத்துடன் சென்னையில் உள்ள விஜய் சேதுபதியின் அலுவலகத்தை முற்றுகையிட்டு வியாபாரிகள் போராட்டமும் நடத்தி பரபரப்பை ஏற்படுத்தினர்.
இந்நிலையில் புதுக்கோட்டையில் செய்தியாளர்களிடம் பேசிய விக்கிரமராஜா, நடிகர்கள் பணம் பார்த்து விளம்பரங்களில் நடிப்பதாகவும், பொருள்களின் தரம் பார்த்து நடிப்பதில்லை என்றும் குற்றம்சாட்டினார்.
நடிகர்கள் பொருள்களின் தரம்பார்த்து விளம்பரங்களில் நடிக்கவில்லையெனில் விஜய்சேதுபதியின் சங்கத்தமிழன் திரைப்படம் போல தோல்வியை சந்திக்க வேண்டிய நிலைவரும் என்றும் விக்ரமராஜா எச்சரித்தார்
Click it and Unblock the Notifications
Sign in with Google