மீண்டும் ஒரு சம்பவம்... புனேவில் பயிற்சி விமானம் விழுந்தது... பைலட் படுகாயம்

Updated: Tuesday, February 5, 2019, 16:29 [IST]

Subscribe to Oneindia Tamil

புனே: மராட்டிய மாநிலம் புனே அருகே பயிற்சி விமானம் விழுந்து நொறுங்கி விபத்துக்குள்ளானது. இதில் பயிற்சி விமானி படுகாயமடைந்தார்.

புனேயின் பாராமதியில் கேர்வெர் ஏவியேசன் என்ற விமான பயிற்சி நிறுவனம் இயங்கி வருகிறது. இங்கு கமெர்சியல் பைலட்டாக ஆசைப்படும் ஏராளமானோர் சேர்ந்து பயின்று வருகிறார்கள்.

இந்நிலையில் பயிற்சிவிமானி ஒருவர் விமானத்தை இன்று இயக்கினார். அப்போது விபத்து ஏற்பட்டுள்ளது.

விமானம் நொறுங்கியது

புனேவின் இந்தாபூர் அருகே விமானம் பறந்து கொண்டிருந்த போது எதிர்பாராதவிதமாக விமானம் கீழே விழுந்து நொறுங்கியது. இதில் விமானத்தை இயக்கி வந்த பயிற்சி விமானி படுகாயம் அடைந்தார்.

விமானி படுகாயம்

இது பற்றி தகவல் அறிந்த மீட்பு படையினர் விமானியை மீட்டு பாராமதியில் உள்ள மருத்துவமனையில் அனுமதித்துள்ளனர். அங்கு அவருக்கு தீவிர சிகிக்சை அளிக்கப்பட்டு வருகிறது.

பைலட் பலி

அண்மையில், பெங்களூருவில் இந்துஸ்தான் ஏரோனாட்டிக்ஸ் லிமிடெட் நிறுவனத்துக்கு சொந்தமான விமான நிலையத்தில் மிராஜ் 2000 என்ற போர் விமானம் விழுந்து நொறுங்கியது. இந்த விபத்தில் விமானத்தை இயக்கிய இரண்டு பயிற்சி விமானிகளில் ஒருவர் உயிரிழந்தார். மற்றொரு விமானி படுகாயம் அடைந்தார்.

விமானி தப்பினார்

இதேபோல், உத்தரப்பிரதேச மாநிலம் குஷிநகர் மாவட்டத்தில் இந்திய விமானப் படைக்கு சொந்தமான ஜாகுவார் விமானம் கடந்த மாதம் 28- ம் தேதி விழுந்து நொறுங்கியது. இதில், அதிர்ஷ்டவசமாக விமானத்தில் இருந்து விமானி கீழே குதித்து தப்பினார் என்பது குறிப்பிடத்தக்கது.