உதயநிதி ஸ்டாலின் பரப்புரை வாகனத்தை நெருங்கி வந்த போலீசார்.. திடீரென ரெய்டு! ராமநாதபுரத்தில் சலசலப்பு
ராமநாதபுரம்: துணை முதலமைச்சர் உதயநிதி ஸ்டாலினின் பரப்புரை வாகனத்தில், பறக்கும் படையினர் அதிரடி ரெய்டு நடத்தியிருக்கிறார்கள். இது தொடர்பான வீடியோ தற்போது வெளியாகியிருக்கிறது.
தேர்தல் அறிவிக்கப்பட்டதையடுத்து, நடத்தை விதிகள் அமலில் இருக்கின்றன. சாதாரண வாகனங்கள் மட்டுமல்லாது, முக்கியமான விஐபிக்களின் வாகனங்களையும் பறக்கும் படையினர் சோதனை நடத்தி வருகின்றனர். இந்நிலையில், தற்போது உதயநிதி ஸ்டாலினின் வாகனத்திலும் ரெய்டு நடத்தப்பட்டிருக்கிறது.
ராமநாதபுரத்தில், பரப்புரைக்காக உதயநிதி ஸ்டாலின் சென்றுக்கொண்டிருந்த நிலையில், அவரது வாகனத்தை மறித்த பறக்கும் படையினர், வாகனத்தில் திடீர் ரெய்டு நடத்தியிருக்கிறார்கள். வாகனத்திற்குள் தேடிய போலீசார், ஏதும் இல்லை என்று பரப்புரை வாகனத்தை வழியனுப்பியிருக்கின்றனர்.
சமீபத்தில் முதலமைச்சர் மு.க.ஸ்டாலினின் வாகனத்திலும் பறக்கும் படையினர் ரெய்டு நடத்தியிருந்தனர். அதேபோல பல்வேறு அரசியல் கட்சி தலைவர்களின் வாகனங்களிலும் ரெய்டு நடத்தப்பட்டிருக்கிறது என்பது குறிப்பிடத்தக்கது.
Click it and Unblock the Notifications
Sign in with Google