ஜி.செல்வம் காஞ்சிபுரம் திமுக வேட்பாளர்: மீண்டும் வெற்றி வசப்படுமா?

ஜி.செல்வம் காஞ்சிபுரம் திமுக வேட்பாளராக அறிவிக்கப்பட்டுள்ளார்.

காஞ்சிபுரம்: காஞ்சிபுரம் மக்களவைத் தொகுதி திமுக வேட்பாளராக வழக்கறிஞர் ஜி.செல்வம் போட்டியிடுகிறார்.

காஞ்சிபுரம் மாவட்டம் வாலாஜாபாத் தாலுகா சிறுவேடலைச் சேர்ந்தவர் செல்வம் (45). வழக்கறிஞரான இவருக்கு மனைவி மற்றும் இரண்டு மகள்கள் உள்ளனர். செல்வம் விவசாயியும் கூட.

கடந்த 1996ம் ஆண்டு திமுக பிரதிநிதியாக பதவி வகித்தவர். 1997ம் ஆண்டு நடந்த கூட்டுறவு சங்க தேர்தலில் போட்டியிட்டு கூட்டுறவு ஊரக வளர்ச்சி வங்கியின் துணை தலைவராக தேர்வு செய்யப்பட்டார். 2008ம் ஆண்டு மாவட்ட இளைஞர் அணி துணை அமைப்பாளராக இருந்தார். 2008 முதல் 2012 வரை மாவட்ட ஆதி திராவிடர் நலக்குழு அமைப்பாளராக இருந்தார். தற்போது வாலாஜாபாத் வடக்கு ஒன்றிய செயலராக இருக்கிறார்.

கடந்த 2014ம் ஆண்டு இதே காஞ்சிபுரம் தொகுதியில் போட்டியிட்டு அதிமுக வேட்பாளரிடம் தோல்வி அடைந்தார். இந்நிலையில் தற்போது மீண்டும் அவரையே அத்தொகுதியில் திமுக களமிறக்கியுள்ளது.

செல்வம் தனது தந்தை கணேசனை போன்றே இளம் வயதில் இருந்து திமுகவில் அரசியல் பணிகள் செய்து வருகிறார் என்பது குறிப்பிடத்தக்கது.

English summary

Selvam Kancheepuram DMK candidate: Here is the details of this candidate.