இந்த பொண்ணுங்க யாருன்னு தெரியுதா.. அதே சேப்பாக்கம்,, அதே கேகேஆர்!

சென்னை: ஐபிஎல் 2024 இறுதிப் போட்டி சென்னை எம்ஏ சிதம்பரம் மைதானத்தில் நேற்று நடந்தது. விறுவிறுப்பான ஆட்டத்தில் கொல்கத்தா நைட் ரைடர்ஸ் (KKR) அணி சன்ரைசர்ஸ் ஹைதராபாத் (SRH) அணியை எதிர்கொண்டது.

கேகேஆர் உரிமையாளர் ஷாருக் கான், அவரது மனைவி கௌரி கான், குழந்தைகள் ஆர்யன் கான், ஆப்ராம் கான், சுஹானா கான், நடிகர் சுன்கி பாண்டே மகளான, அனன்யா பாண்டே மற்றும் ஷனாயா கபூர் ஆகியோர் KKR க்காக உற்சாகப்படுத்தினர்.

இந்த நிலையில் சுஹானா கான், அனன்யா பாண்டே மற்றும் ஷனாயா கபூர் ஆகியோரின் 2012 இன் புகைப்படம் வைரலாகி வருகிறது. X இல் ரசிகர் ஒருவரால் பகிரப்பட்ட படம், ஷாருக் கான், ஹிருத்திக் ரோஷன் மற்றும் சங்கி பாண்டே ஆகியோருடன் மூவரும் ஸ்மைல் செய்வதாக உள்ளது.

சுஹானா, அனன்யா மற்றும் ஷனாயா ஆகியோர் KKR ஜெர்சி அணிந்து தங்கள் அணிக்கு ஆதரவாக இருக்கும் சமீபத்திய புகைப்படத்தையும் அந்த ரசிகர் பக்கம் பகிர்ந்துள்ளது. இரு படங்கள் இடையேயான வித்தியாசத்தை நீங்களே பாருங்கள். எவ்வளவு வேகமாக சிறுமிகள் வளர்ந்து இளம் பெண்களாக காட்சியளிக்கிறார்கள். அதே நபர்கள், அதே ஸ்டேடியம் என்பது இன்னும் சிறப்பாக உள்ளது.

IPL 2024 கோப்பையை KKR கைப்பற்றிய நிலையில், போட்டியின் படங்கள் மற்றும் வீடியோக்கள் சமூக ஊடகங்களில் வைரலாக சுற்றி வருகின்றன. ஐபிஎல் தொடரில் "கிங் கான்" ஷாருக்கானின் அணி சாதனை படைத்ததை கொண்டாடும் ரசிகர்கள் அவருக்கு வாழ்த்துகளை தெரிவித்து வருகின்றனர்.

போட்டிக்கு பிந்தைய கொண்டாட்டங்கள் களைகட்டியுள்ளன. KKR இன் வெற்றிக்கு ரசிகர்கள் மற்றும் பிரபலங்கள் தங்கள் மகிழ்ச்சியையும் ஆதரவையும் வெளிப்படுத்தினர். இந்த போட்டியை காண ஜான்வி கபூர் உள்ளிட்ட பாலிவுட் நட்சத்திரங்கள் வந்திருந்தது ரசிகர்களுக்கு மறக்கமுடியாத நிகழ்வாக மாறியது.

English summary

The Kolkata Knight Riders won the IPL 2024 final against Sunrisers Hyderabad with Bollywood stars like Shahrukh Khan cheering. The match and post-match celebrations have been widely discussed and celebrated by fans.