நீங்களாம் மனுஷங்களே கிடையாது.. 45 டாட் பால்கள்.. கொடூரமாக பேட்டிங் செய்த டிவால்ட் பிரெவிஸ்!

சென்னை: கேகேஆர் அணிக்கு எதிரான போட்டியில் சிஎஸ்கே அணி பேட்ஸ்மேன்கள் மொத்தமாக 45 டாட் பால்களை ஆடி இருப்பது ரசிகர்களிடையே கொந்தளிக்க வைத்துள்ளது. சுனில் நரைன் மட்டும் 11 டாட் பால்கள் வீசியுள்ள நிலையில், வேகப்பந்துவீச்சாளர்களின் ஒய்டு யார்க்கர் திட்டத்தை கூட சிஎஸ்கே பேட்ஸ்மேன்களால் முறியடிக்க முடியவில்லை என்ற விமர்சனங்கள் எழுந்துள்ளன.

ஐபிஎல் தொடரில் கேகேஆர் அணிக்கு எதிரான போட்டியில் சிஎஸ்கே அணி விளையாடி வருகிறது. இந்தப் போட்டியில் முதலில் பேட்டிங் ஆடிய சிஎஸ்கே அணி 20 ஓவர்களில் 5 விக்கெட்டுகள் இழப்பிற்கு 192 ரன்களை எடுத்துள்ளது. சிஎஸ்கே அணி தரப்பில் அதிகபட்சமாக சஞ்சு சாம்சன் 32 பந்துகளில் 48 ரன்களும், டிவால்ட் பிரெவிஸ் 29 பந்துகளில் 41 ரன்களும், ஆயுஷ் மாத்ரே 17 பந்துகளில் 38 ரன்களும் எடுத்தனர்.

சிஎஸ்கே அணி 6 ஓவர்கள் முடிவில் 72 ரன்களை எடுத்திருந்தது. இதனால் 20 ஓவர்களில் 220 ரன்களை எட்டும் என்று எதிர்பார்க்கப்பட்டது. ஆனால் சிஎஸ்கே அணி கடைசி 4 ஓவர்களில் 30 ரன்களை மட்டுமே எடுத்தது. அதுமட்டுமல்லாமல் சிஎஸ்கே அணி வீரர்கள் அதிக டாட் பால்களை விளையாடி இருக்கின்றனர். அதுவே சிஎஸ்கே அணியின் ஸ்கோர் மொத்தமாக குறைய காரணமாக அமைந்துள்ளது.

மொத்தமாக 45 டாட் பால்களை சிஎஸ்கே பேட்ஸ்மேன்கள் ஆடி இருக்கின்றனர். அதிலும் நட்சத்திர வீரர் டிவால்ட் பிரெவிஸ் 29 பந்துகளில் 11 பந்துகளை டாட் பாலாக ஆடி இருக்கிறார். காயத்திற்கு பின் விளையாடும் முதல் போட்டி என்பதாலும், சேப்பாக்கம் மைதானத்தில் ஆடும் போட்டி என்பதாலும் டிவால்ட் பிரெவிஸால் சரியாக பிட்சை கணிக்க முடியவில்லை என்று பார்க்கப்படுகிறது.

ஆனால் சஞ்சு சாம்சனும் இன்று அதிக டாட் பால்களை ஆடி இருக்கிறார். சுனில் நரைன் மட்டும் கேகேஆர் அணிக்காக 11 டாட் பால்களை வீசியுள்ளார். அதேபோல் ஸ்பின்னரான அனுகுல் ராய் 9 டாட் பால்களையும், வேகப்பந்துவீச்சாளர் கார்த்திக் தியாகி 9 டாட் பால்களையும், வைபவ் அரோரா 7 டாட் பால்களையும், வருண் சக்கரவர்த்தி 6 டாட் பால்களையும், கேமரூன் க்ரீன் 3 டாட் பால்களையும் வீசியுள்ளார்.

இந்த 45 டாட் பால்களில் ஒரு 20 ரன்களை எடுத்திருந்தாலே, சிஎஸ்கே அணியால் எளிதாக 210 ரன்களுக்கு மேல் இலக்கை நிர்ணயித்திருக்க முடியும். கேகேஆர் அணியின் ஒய்டு யார்க்கர் திட்டத்தை சிஎஸ்கே அணியால் முறியடிக்க முடியவில்லை. பேட்ஸ்மேன்கள் மொத்தமாக ஒய்டு யார்க்கர் பந்துகளை எப்படி எதிர்கொள்வது என்று புரியாமல் தடுமாறியது வெளிப்படையாகவே தெரிந்தது.

English summary

CSK: KKR bowlers bowled a 45 Dot balls against CSK with a perfect Wide Yorker plan at Chepauk in IPL 2026