ஆரம்பமே இப்படியா.. முதல் ஓவரிலேயே 11 பந்துகள்.. இந்தியா பக்கம் பிரஷரை திருப்பிவிட்ட முகமது ஷமி!

Updated: Sunday, February 23, 2025, 15:13 [IST]

Subscribe to Oneindia Tamil

துபாய்: பாகிஸ்தான் அணிக்கு எதிரான ஆட்டத்தில் இந்திய அணியின் நட்சத்திர வேகப்பந்துவீச்சாளர் முகமது ஷமி முதல் ஓவரிலேயே 5 ஒய்டுகள் உட்பட 11 பந்துகளை வீசி இருக்கிறார். இதனால் இந்திய அணிக்கு தொடக்கமே சரியில்லையே என்று ரசிகர்கள் ஏமாற்றம் தெரிவித்துள்ளனர். முதல் ஓவரில் ரன்கள் கட்டுப்படுத்தி பிரஷர் கொடுக்காமல், 5 ஒய்டுகளை வீசி ஷமி பாகிஸ்தானுக்கு சாதகத்தை கொடுத்துவிட்டதாக விமர்சிக்கின்றனர்.

சாம்பியன்ஸ் டிராபி தொடரில் இந்தியா - பாகிஸ்தான் அணிகளுக்கு இடையிலான ஆட்டம் துபாய் மைதானத்தில் நடைபெற்று வருகிறது. இந்த போட்டியில் டாஸ் வென்ற பாகிஸ்தான் அணியின் கேப்டன் முகமது ரிஸ்வான் பேட்டிங்கை தேர்வு செய்துள்ளார். துபாய் பிட்சில் 2வது பேட்டிங் செய்யும் போது ரன்கள் அவ்வளவு வேகமாக சேர்க்க முடியாது.

ind vs pak Mohammed Shami champions trophy 2025 2025 vs

ஸ்லோ பிட்ச் என்பதால், பேட்ஸ்மேன்கள் நீண்ட நேரம் களத்தில் நின்றால் மட்டுமே ரன்களை சேர்க்க முடியும். இதனால் முகமது ரிஸ்வான் நல்ல முடிவை பாகிஸ்தான் அணிக்கு சாதகமாக எடுத்துள்ளதாக பார்க்கப்படுகிறது. இதனைத் தொடர்ந்து பாகிஸ்தான் அணிக்காக இமாம் உல் ஹக் - பாபர் அசாம் கூட்டணி தொடக்கம் கொடுத்தது.

கடந்த ஆட்டத்தில் நட்சத்திர அதிரடி வீரர் ஃபக்கர் ஜமான் காயம் அடைந்தார். இதனால் இந்த ஆட்டத்தில் இமாம் உல் ஹக் களமிறக்கப்பட்டிருக்கிறார். இதனைத் தொடர்ந்து இந்திய அணி தரப்பில் முகமது ஷமி முதல் ஓவரை வீச அழைக்கப்பட்டார். வங்கதேச அணிக்கு எதிரான ஆட்டத்திலேயே 5 விக்கெட்டுகளை வீழ்த்தி முகமது ஷமி மரண மாஸ் கம்பேக்கை கொடுத்தார்.

இதனால் நிச்சயம் பாபர் அசாம் - இமாம் உல் ஹக் கூட்டணிக்கு மிகப்பெரிய அழுத்தத்தை முதல் ஓவரிலேயே கொடுப்பார் என்று எதிர்பார்க்கப்பட்டது. இந்த நிலையில் முகமது ஷமி முதல் பந்தை இடதுகை பேட்ஸ்மேனான இமாம் உல் ஹக்கிற்கு வீசினார். இடதுகை பேட்ஸ்மேன் என்பதால் முகமது ஷமிக்கு சரியான லைனை பிடிப்பதில் சிரமம் ஏற்பட்டது.

அதனால் இந்த ஓவரில் மட்டும் தொடர்ச்சியாக 3 ஒய்டுகளை வீசினார். இதன்பின் ஒரு ரன் எடுத்து பாபர் அசாம் களத்திற்கு வர, அவருக்கும் 3 ஒய்டுகளை வீசினார். இதனால் பாகிஸ்தான் தொடக்க வீரர்கள் எந்த அழுத்தமும் இல்லாமல் முதல் ஓவரை கடந்துவிட்டனர். ஓடாமலேயே மொத்தமாக 5 ஒய்டுகள் உட்பட 6 ரன்கள் கிடைத்தது. இது அவர்கள் இருவர் மீதான அழுத்தத்தையும் குறைத்துவிட்டது.

இதனால் தொடக்கமே இப்படியா நடக்க வேண்டும் என்று இந்திய கிரிக்கெட் ரசிகர்கள் புலம்பி வருகின்றனர். முதல் ஓவரிலேயே முகமது ஷமி 11 ஓவர்களை வீசியதால், அவரின் எனர்ஜியும் குறைந்தது. பாபர் அசாம் - இமாம் உல் ஹக் கூட்டணியின் பேட்டிங் சராசரி 63.74 ஆகும். இதனால் அவர்களுக்கு கொஞ்சம் இடம் கொடுத்தாலும், இந்திய அணிக்கு மிகப்பெரிய பின்னடைவாக மாறும் என்பது குறிப்பிடத்தக்கது.