43 டாட் பால்கள்.. இந்திய பேட்ஸ்மேன்களை கதறவிட்ட பாகிஸ்தான் ஸ்பின்னர்கள்.. எப்படி இது நடந்தது?

கொழும்பு: பாகிஸ்தான் அணிக்கு எதிரான போட்டியில் இந்திய அணி பேட்ஸ்மேன்கள் மொத்தமாக 43 டாட் பால்களை விளையாடி இருப்பது அதிர்ச்சியை ஏற்படுத்தி இருக்கிறது. சயீம் அயூப் 11 டாட் பால்களையும், உஸ்மான் தாரிக் 10 டாட் பால்களையும் வீசி இந்திய அணியின் ரன் குவிப்பை கட்டுப்படுத்தி இருக்கின்றனர்.

டி20 உலகக்கோப்பை தொடரில் பாகிஸ்தான் அணிக்கு எதிரான போட்டியில் இந்திய அணி விளையாடி வருகிறது. இந்தப் போட்டியில் டாஸ் வென்ற பாகிஸ்தான் அணியின் கேப்டன் சல்மான் அலி ஆகா பவுலிங்கை தேர்வு செய்தார். இதன்பின் களமிறங்கிய இந்திய அணி 20 ஓவர்களில் 7 விக்கெட்டுகள் இழப்பிற்கு 175 ரன்களை குவித்துள்ளது.

இந்திய அணி தரப்பில் நட்சத்திர வீரர் இஷான் கிஷன் 40 பந்துகளில் 77 ரன்களை விளாசி தள்ளினார். இதன்பின் கடைசி நேரத்தில் களமிறங்கிய சிவம் துபே 17 பந்துகளில் 27 ரன்களை விளாசினார். பாகிஸ்தான் அணி தரப்பில் சயீம் அயூப் 4 ஓவர்களில் 25 ரன்கள் மட்டுமே விட்டுக் கொடுத்து 3 விக்கெட்டுகளை சாய்த்தார். இஷான் கிஷன், திலக் வர்மா மற்றும் ஹர்திக் பாண்டியா ஆகிய மூவரின் விக்கெட்டையும் வீழ்த்தி அசத்தினார்.

இந்தப் போட்டியில் இந்திய அணி 9 ஓவர்கள் முடிவில் 89 ரன்களை சேர்த்திருந்தது. அடுத்த 11 ஓவர்களில் 86 ரன்களை மட்டுமே சேர்த்திருக்கிறது. அதேபோல் பாகிஸ்தான் அணி மொத்தமாக 18 ஓவர்கள் ஸ்பின்னர்களை பயன்படுத்தி இருக்கிறது. 2 ஓவர்கள் மட்டும் ஷாகீன் அப்ரிடி வீசி இருந்தார். இது ரசிகர்களிடையே ஆச்சரியத்தை ஏற்படுத்தியுள்ளது.

அதேபோக் இந்த ஆட்டத்தில் இந்திய அணி பேட்ஸ்மேன்கள் மொத்தமாக 43 டாட் பால்களை ஆடி உள்ளனர். அதாவது பாகிஸ்தான் அணி சுமார் 8 ஓவர்கள் டாட் பால்களாக வீசி இருக்கிறது. இதற்கு உஸ்மான் தாரிக் மற்றும் சயீம் அயூப் ஆகிய இருவருமே முக்கிய காரணமாக அமைந்துள்ளனர். சயீம் அயூப் 11 டாட் பால்களையும், உஸ்மான் தாரிக் 10 டாட் பால்களையும் வீசி இருக்கின்றனர்.

அதேபோல் முகமது நவாஸ் 8 டாட் பால்களையும், சல்மான் அலி ஆகா 6 டாட் பால்களையும், அப்ரார் அஹ்மத் 5 டாட் பால்களையும் வீசி இருக்கின்றனர். ஏற்கனவே நமீபியா அணிக்கு எதிரான போட்டியிலும் இந்திய பேட்ஸ்மேன்கள் ஸ்பின்னர்களிடம் திணறினர். தற்போது பாகிஸ்தான் ஸ்பின்னர்களையும் சமாளிக்க முடியாமல் தடுமாறி இருப்பது விவாதமாகி இருக்கிறது.

English summary

India vs Pakistan: Pakistan bowlers have bowled 43 dot balls agianst Indian batsmen at Colombo in the T20 World Cup 2026. India scored 175 runs in 20 overs with a loss of 7 wickets.