சூப்பர்பெட் கிளாசிக் பட்டம்.. சாம்பியன் பட்டம் வென்ற பிரக்ஞானந்தாவுக்கு முதல்வர் வாழ்த்து

Updated: Saturday, May 17, 2025, 20:02 [IST]

Subscribe to Oneindia Tamil

சென்னை: சதுரங்க போட்டியில் நடப்பாண்டுக்கான சூப்பர்பெட் கிளாசிக் பட்டத்தை பிரக்ஞானந்தா வென்றிருக்கிறார். அவருக்கு முதல்வர் மு.க.ஸ்டாலின் வாழ்த்து தெரிவித்திருக்கிறார்.

பிரக்ஞானந்தா, தமிழ்நாடு விளையாட்டு மேம்பாட்டு ஆணையத்தின் மிகச் சிறந்த விளையாட்டு வீரர் திட்டத்தின் கீழ் பயன்பெற்று வருபவராவார்.

முதல்வர் ஸ்டாலின் தனது ட்விட்டர் பக்கத்தில், "ருமேனியாவில் நடந்த சூப்பர்பெட் செஸ் கிளாசிக் 2025ஐ வென்ற சென்னையின் பெருமை மிக்க கிராண்ட்மாஸ்டர் பிரக்யானந்தாவுக்கு வாழ்த்துக்கள். அவரது முதல் கிராண்ட் செஸ் டூர் பட்டம் இதுவாகும். கிளாசிக்கல் மற்றும் பிளிட்ஸ் சுற்றுகளில் அவரது திறமை அசாதாரண அமைதியையும், தந்திரமான ஆழத்தையும் வெளிப்படுத்தியது. இந்தியச் சதுரங்கத்தின் இந்த முக்கியமான தருணத்தைத் தமிழ்நாடு கொண்டாடுகிறது" என்று பாராட்டியுள்ளார்.