இலங்கை மக்கள் தொகையில் 31 லட்சம் பேர் தமிழர்கள்!

கொழும்பு: இலங்கையின் மக்கள் தொகையில் 31 லட்சத்து 13 ஆயிரத்து 247 பேர் தமிழர்கள் என மக்கள் தொகை கணக்கெடுப்பு மற்றும் புள்ளிவிவரங்கள் துறை தெரிவித்துள்ளது.

இலங்கையில் மக்கள் தொகை கணக்கெடுப்பு பணி அண்மையில் தொடங்கியது. 2011 - 2012ம் ஆண்டுகளில் மேற்கொள்ளப்பட்ட மக்கள் தொகை மதிப்பீட்டிற்காக 173 கோடி ரூபாய் செலவாகியுள்ளது. கணக்கெடுப்பு பணியில் 99 ஆயிரம் பேர் ஈடுபடுத்தப்பட்டுள்ளனர். பிரதேச செயலகங்களும், புள்ளி விபரத் துறையும் இணைந்து மதிப்பீட்டு நடவடிக்கைகளை மேற்கொண்டுள்ளன.

இலங்கையின் மொத்த மக்கள் தொகை 2 கோடியே இரண்டு லட்சத்து 63,723 எனத் கூறப்பட்டுள்ளது

இதில் ஒரு கோடியே 51 லட்சத்து 73,820 பேர் சிங்களர்கள். 31 லட்சத்து 13 ஆயிரத்து 247 பேர் தமிழர்கள் என தெரிவிக்கப்பட்டுள்ளது.

18 லட்சத்து 69,820 பேர் சோனகர்கள் எனத் தெரிவிக்கப்பட்டுள்ளது. 33,061 பேர் பர்கர் இனத்தவர்கள். 40,189 பேர் மலே இனத்தவர்கள்.

பௌத்தர்களின் எண்ணிக்கை ஒரு கோடிய 42 லட்சத்து 21 ஆயிரத்து 844 ஆகும். இந்துக்களின் எண்ணிக்கை 25 லட்சத்து 54 ஆயிரத்து 606 ஆகும்.

முஸ்லிம்களின் எண்ணிக்கை 19 லட்சத்து 67 ஆயிரத்து 227 ஆகும் என புள்ளி விபரவியல் ஆணையம் அறிவித்துள்ளது. ரோமன் கத்தோலிக்க கிறிஸ்தவர்களின் எண்ணிக்கை 15 லட்சத்து 9 ஆயிரத்து 606 என அறிவித்துள்ளது.

English summary

Sri Lanka's Department of Census and Statistics begin an island wide census on Thurday. The island‐wide census will collect detailed information on the deaths, missing persons, injured and/or disabled persons, and damages to the property.