ஒரே ஒரு பெண் பாம்புதான்.. அதோட குஜாலா இருக்க இரு ஆண் பாம்புகள் போட்டா போட்டி- வைரல் வீடியோ

Updated: Friday, January 8, 2021, 8:52 [IST]

Subscribe to Oneindia Tamil

சிட்னி: ஆஸ்திரேலியா வனவிலங்கு பூங்காவில் ஒரு பெண் பாம்புக்காக இரு ஆண் பாம்புகள் சண்டையிட்டு கொண்ட வீடியோ வைரலாகி வருகிறது.

பெண்ணுக்காக இரு ஆண்கள் அடித்து கொள்வதை பார்த்துள்ளோம். அது போல் மிருகங்களும் பெண் இணையுடன் சேர ஆக்ரோஷமாக சண்டையிட்டுக்கொள்வதை பார்த்துள்ளோம்.

இந்த சண்டை காட்சிகளை என்ஜிசி, அனிமல் பிளேனட் உள்ளிட்ட சேனல்களில் பார்த்துள்ளோம். உணர்ச்சி என்பது மனிதர்களுக்கு மட்டும்தானா என்ன?

காதல்

விலங்குகளுக்கும் ஈர்ப்பு, அன்பு, காதல், உணர்ச்சி ஆகியவை இருக்கின்றன. அதிலும் யானைகள் தந்தம் இருக்கும் யானைகளை மட்டுமே தன்னுடன் இணையாக சேர விரும்பும். தந்தம் உடைந்திருந்தாலோ, தந்தமே இல்லாமல் பிறந்திருந்தாலோ அந்த ஆண் யானையுடன் பெண் யானைகள் இணை சேருவதில்லை.

இணைக்காக

இது ஒரு விதமான லவ் என சொல்லலாம். பாம்புகளும் தங்கள் இணைக்காக சண்டையிட்டுக்கொள்வதை கேட்டிருக்கிறீர்களா, இரு பாம்புகள் ஒன்றிணைவதைத்துதான் நாம் அவ்வப்போது பார்த்துள்ளோம். ஆனால் ஆஸ்திரேலியா வனவிலங்கு பூங்காவில் இரு ஆண் பாம்புகள் ஒரு பெண் பாம்பிற்காக சண்டையிட்டு கொள்ளும் காட்சிகள் வைரலாகியுள்ளன.

விஷப்பாம்புகள்

இரு முல்கா எனும் கொடிய விஷம் கொண்ட பாம்புகள் ஒன்றோடு ஒன்று பின்னி பிணைந்து தங்களில் யார் சிறந்தவன் என்பதை காண்பிக்கின்றன. பெண் பாம்புடன் யார் இணைவது என்பதற்கான போட்டி இதுவாகும். இந்த சண்டை சுமார் 1 மணி நேரத்திற்கு மேல் நீடித்தது. பொதுவாக இந்த காலம் பாம்புகள் இணையும் காலமாம்.

வீடியோ

அதிலும் முல்கா ஆண் பாம்புகள் இந்த காலத்தில் யார் பலசாலி என்பதை பெண் பாம்புகளுக்கு உணர்த்த சக ஆண் பாம்புடன் சண்டையிட்டு அதில் வெற்றி பெறும் பாம்பே பெண்ணுடன் இணையும். இந்த வீடியோ தற்போது வைரலாகி வருகின்றன.