காமராஜரை நேர்ல பாத்திருப்பீங்க, போட்டோல பார்த்திருப்பீங்க.. கொழுக்கட்டைலை பார்த்திருக்கீங்களா?
சென்னை: முன்னாள் முதல்வர் காமராஜரின் 114வது பிறந்தநாளை முன்னிட்டு, நாளை அவரது உருவத்தில் 114 கிலோவில் முழுக் கொழுக்கட்டையை தயார் செய்து அசத்த இருக்கிறாராம் சமையல் கலை வல்லுநரான இனியவன்.
தமிழக முதல்வர்களில் ஒருவராக பதவி வகித்தவர் காமராஜர். இன்றும் அவரது ஆட்சிக்காலம் பொற்காலமாக வர்ணிக்கப்படுகிறது. அவரது ஆட்சிக்காலத்தில் பல்வேறு நலத்திட்டங்கள் செயல்படுத்தப்பட்டதே அதற்குக் காரணம் ஆகும்.
இந்நிலையில் மறைந்த முதல்வர் காமராஜரின் 114வது பிறந்ததினம் நாளைக் கொண்டாடப்பட இருக்கிறது. எனவே, அவரது பிறந்தநாளை உலகமே கொண்டாட வேண்டும் என்ற நோக்கத்தில் புதிய முயற்சி ஒன்றை செய்ய இருக்கிறார் சமையல் கலை வல்லுநரான இனியவன்.
அதாவது நாளை 114 கிலோ எடையில் காமராஜரின் முழு உருவத்தையும் இனிப்பு கொழுக்கட்டையாக தயார் செய்து வருகிறார் இவர். இதனை நாளை காமராஜர் வாழ்ந்த வீட்டில் மக்கள் பார்வைக்காக வைக்கிறார். பின்னர் அதனை மக்களுக்கு வெட்டி சாப்பிடக் கொடுக்க இருப்பதாக இனியவன் தெரிவித்துள்ளார்.
பின்னர் மீதமுள்ள கொழுக்கட்டையை சென்னை மெரினா கடலில் கரைக்க இருப்பதாகவும் அவர் கூறியுள்ளார்.
கோவையைப் பூர்வீகமாகக் கொண்ட இனியவன் ஏற்கனவே 100 கிலோ எடையிலான இட்லி, அப்துல் கலாம் உருவத்தில் இட்லி, அன்னை தெரசா உருவத்தில் இட்லி என இட்லியை வைத்தே ஏராளமான கண்காட்சிகளை நடத்தியவர். இவரது சாதனைகள் லிம்கா புத்தகத்திலும் பெற்றுள்ளன என்பது குறிப்பிடத்தக்கது.
Click it and Unblock the Notifications
Sign in with Google