• search

144 தடை உத்தரவு ரத யாத்திரைக்கு ஏன் பொருந்தாது - விளக்கம் சொல்லும் அமைச்சர் ஜெயக்குமார்

By Mohan Prabhaharan
FOLLOW ONEINDIA TAMIL ON
For Quick Alerts
ALLOW NOTIFICATIONS
For Daily Alerts

    சென்னை : வி.எச்.பி.,யின் ரத யாத்திரை பிரச்னை இல்லாமல் பயணிக்கவே நெல்லை மாவட்டத்தில் 144 தடை உத்தரவு பிறப்பிக்கப்பட்டுள்ளதாக அமைச்சர் ஜெயக்குமார் விளக்கம் அளித்துள்ளார்.

    விஷ்வ ஹிந்து பரிஷித்தின் ராமராஜ்ய ரத யாத்திரை இன்று கேரளா வழியாக தமிழக எல்லைக்குள் வந்தது. அயோத்தியில் ராமர் கோவில் கட்ட வலியுறுத்தி நடத்தப்படும் இந்த யாத்திரை தமிழகத்திற்குள் வரக்கூடாது என்று வலியுறுத்தி பல்வேறு அரசியல் கட்சிகள் மற்றும் முஸ்லிம் அமைப்புகள் எதிர்ப்புத் தெரிவித்து போராட்டம் நடத்தி வருகின்றன.

    144 not applicable for Radha Yatra says Jayakumar

    இந்நிலையில், நெல்லை மாவட்டத்தில் 144 தடை உத்தரவு போடப்பட்டுள்ளது. இதனை மீறியும் பல்வேறு இடங்களில் போராடியவர்களை போலீஸார் கைது செய்து வருகின்றனர். இதுவரை ஆயிரத்திற்கும் மேற்பட்டோர் கைது செய்யப்பட்டுள்ளனர்.

    144 தடை உத்தரவு அமலில் இருக்கும் போது, ரத யாத்திரைக்கும் மட்டும் எப்படி அனுமதி வழங்கப்பட்டது என்று பல அரசியல் கட்சித் தலைவர்கள் தொடர்ந்து கேள்வி எழுப்பி வருகின்றனர்.

    இதுகுறித்து தமிழக மீன்வளத்துறை அமைச்சர் ஜெயக்குமாரிடம் பத்திரிகையாளர்கள் கேட்டபோது, 144 தடை உத்தரவு ரத யாத்திரைக்கு பொருந்தாது என்றும், அந்த யாத்திரை எந்த வித பிரச்னையும் இல்லாமல் பயணிக்கவே தடை உத்தரவு பிறப்பிக்கப்பட்டதாகவும் அவர் தெரிவித்தார்.

    மேலும், சட்டம் ஒழுங்கு பிரச்னை ஏற்படாமல் இருக்கவே தடை உத்தரவு பிறப்பிக்கப்பட்டதாகவும், மதச்சார்பற்ற நாடு என்கிற அடிப்படையிலேயே ரத யாத்திரைக்கு தமிழகத்தில் அனுமதி வழங்கியதாவும் அமைச்சர் குறிப்பிட்டுள்ளார்.

    முன்னதாக நெல்லை மாவட்டத்தில் ரத யாத்திரைக்கு அனுமதி வழங்கும் முன்பே, பல்வேறு பாதுகாப்பு அம்சங்களையும் அலசி ஆராய்ந்து ஆலோசனை செய்தே அனுமதி வழங்கப்பட்டு இருக்கிறது என்றும், இதில் காங்கிரஸ் உள்ளிட்ட அரசியல் கட்சிகள் வேண்டுமென்றே குழப்பம் விளைவிக்கப்பார்ப்பதாகவும் அமைச்சர் ஜெயக்குமார் குறிப்பிட்டுள்ளார்.

    பொருத்தமான வரன் தேடுகிறீர்களா? தமிழ்மேட்ரிமோனியில் பதிவு இலவசம்!

    English summary
    144 not applicable for Radha Yatra says Jayakumar. Minister Jayakumar also added that, VHP Radha Yatra is allowed to prove the Secularism in Tamilnadu.

    நாள் முழுவதும் oneindia
    செய்திகளை உடனுக்குடன் பெற

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more