திருவள்ளூரில் 18வது ஹெர்க்குலிஸ் டர்போ டிரைவ் மாநில பள்ளி, கல்லூரி மாணவியருக்கு செஸ் போட்டி!
சென்னை: திருவள்ளூரில், 18வது ஹெர்க்குலிஸ் டர்போ டிரைவ் மாநில அளவிலான பள்ளி, கல்லூரி மாணவியருக்கான செஸ் போட்டித் தொடர் ஜூலை 11 மற்றும் 12 ஆகிய தேதிகளில் நடைபெறவுள்ளது.
திருவள்ளூர் மாவட்ட செஸ் கழகம் இந்தப் போட்டித் தொடரை நடத்தகிறது. அம்பத்தூர் டிஐ சைக்கிள்ஸ் நிறுவனம் இந்தத் தொடரின் ஸ்பான்சராக செயல்படுகிறது.
சென்னை, மதுரவாயல், பாரதி மெட்ரிக்குலேஷன் மேல் நிலைப்பள்ளியில் இப்போட்டிகள் நடைபெறும்.
இதில் வெற்றி பெறும் (8, 9, 10, 12, 14 மற்றும் 25 வயதுக்குட்பட்டோருக்கான பிரிவில்) 10 வீரர், வீராங்கனைகளுக்கு பத்து சைக்கிள்கள் பரிசாக அளிக்கப்படும்.
2வது இடம் பிடிப்போருக்கு கமலம் ஜான் சாமுவேல் நினைவு சுழற்கோப்பை பரிசளிக்கப்படும். இதை எம்.எல்.ஏ ஜேசிடி பிரபாகர் வழங்குவார்.
இதுதவிர சிறப்பாக செயல்படும் பள்ளி, கல்லூரிக்கு டி.ஐ ரோலிங் கோப்பையும் வழங்கப்படும். இணையதளங்கள் - www. tamilchess.com, www.tiruvallurchess.com
இத்தகவலை திருவள்ளூர் மாவட்ட செஸ் கழகத்தின் கெளவரவச் செயலாளர் எஸ்.பலராமன் (94447 51432) தெரிவித்துள்ளார்.
Click it and Unblock the Notifications
Sign in with Google