சட்டசபை தேர்தல் எதிரொலி: சென்னையில் 23 போலீஸ் ஏ.சி.பிகள் அதிரடி டிரான்ஸ்பர்
சென்னை: சட்டசபை தேர்தல் நெருங்கி வருவதால், 3 வருடங்கள் ஒரே பதவியில் உள்ள அதிகாரிகள் அதிரடியாக மாற்றப்படும் நடவடிக்கை தொடங்கி விட்டது.
இதற்கிடையில் சென்னையில் நீண்ட நாட்களாக ஒரே பதவியில் உள்ள உதவி கமிஷனர்கள் 23 பேர் நேற்று இரவு அதிரடியாக மாற்றப்பட்டனர்.
தெய்வசிகாமணி, வண்ணாரப்பேட்டை-சென்னை தெற்கு போக்குவரத்து புலனாய்வு உதவி கமிஷனராக மாற்றப்பட்டார். மனோகரன், தாம்பரம்-உளவுப்பிரிவு உதவி கமிஷனராக்கப்பட்டார். ஜெயசுப்பிரமணியன், புளியந்தோப்பு-மாதவரம் உதவி கமிஷனராக மாற்றம்.
ராஜேந்திரன், சேலையூர்-சென்னை மத்திய குற்றப்பிரிவிற்கு மாற்றம். கங்கைராஜ், ஆவடி-புளியந்தோப்பு உதவி கமிஷனராக மாற்றம். நந்தகுமார், கிண்டி-ஆவடி உதவி கமிஷனராக மாற்றம்.
கருணாநிதி, அண்ணாநகர்-மத்திய குற்றப்பிரிவு உதவி கமிஷனராக மாற்றம். கமீல்பாட்ஷா, மேற்கு போக்குவரத்து புலனாய்வு-அண்ணாநகர் உதவி கமிஷனராக மாற்றம்.
மன்சூர் அலி, பரங்கிமலை-மேற்கு போக்குவரத்து புலனாய்வு உதவி கமிஷனராக மாற்றம். சங்கரலிங்கம், மாதவரம்-கிண்டி, உதவி கமிஷனராக மாற்றம்.
ரவிசேகர், மயிலாப்பூர்-பரங்கிமலை, உதவி கமிஷனராக மாற்றம். முருகைய்யன், மதுவிலக்கு மேற்கு-மயிலாப்பூர், உதவி கமிஷனராக மாற்றம். பீர்முகமது, திருவல்லிக்கேணி- சென்னை மத்திய மதுவிலக்கு உதவி கமிஷனராக மாற்றம்.
என்.முருகேசன், வில்லிவாக்கம்- போலீஸ் கட்டுப்பாட்டு அறை உதவி கமிஷனராகவும், ஏ.முருகேசன், அடையாறு-மத்திய குற்றப்பிரிவு உதவி கமிஷனராகவும், விமலன், உளவுப்பிரிவு-புளியந்தோப்பு, உதவி கமிஷனராகவும், எஸ்.தர்மலிங்கம், நிலஅபகரிப்பு பிரிவு-போலீஸ் நலப்பிரிவு உதவி கமிஷனராகவும், கணபதி, நலப்பிரிவு-உளவுப்பிரிவு உதவி கமிஷனராகவும், அய்யப்பன், வேப்பேரி-பூந்தமல்லி உதவி கமிஷனராகவும், கே.கே.முருகேசன், கோட்டூர்புரம்- சேலையூர் உதவி கமிஷனராகவும், செல்வன், உளவுப்பிரிவு- அம்பத்தூர், உதவி கமிஷனராகவும், தனவேல், மதுவிலக்கு-வில்லிவாக்கம், உதவி கமிஷனராகவும், கே.கண்ணன், சி.பி.சி. ஐ.டி.-வண்ணாரப்பேட்டை, உதவி கமிஷனராகவும் மாற்றப்பட்டுள்ளனர்.
சென்னையில் இன்ஸ்பெக்டர்களை மாற்றம் செய்ய போலீஸ் கமிஷனர் டி.கே.ராஜேந்திரன், 5 கூடுதல் கமிஷனர்கள் அடங்கிய குழுவை அமைத்துள்ளார். அந்த குழுவினர், மாற்றம் செய்யப்பட வேண்டிய இன்ஸ்பெக்டர்கள் பட்டியலை தயாரித்து வருகிறார்கள். இன்னும் ஒன்றிரண்டு நாட்களில் இன்ஸ்பெக்டர்கள் மாற்றம் பட்டியல் வெளியிடப்பட உள்ளதாக தெரிகிறது.
Click it and Unblock the Notifications
Sign in with Google