இனிக்க இனிக்க “தீபாவளி”- புதுச்சேரி ரேஷனில் 2 கிலோ சர்க்கரை “ப்ரீ”!

புதுவை: புதுச்சேரியில் தீபாவளி பண்டிகையை முன்னிட்டு அனைத்து ரேஷன் கார்டுதாரர்களுக்கும் தலா 2 கிலோ இலவச சர்க்கரை வழங்கப்படுகிறது.

தீபாவளி பண்டிகையை முன்னிட்டு அனைத்து ரேஷன் கார்டுதாரர்களுக்கும் தலா 2 கிலோ இலவச சர்க்கரை வழங்கப்படும் என்று புதுச்சேரி முதல்வர் ரங்கசாமி சட்டமன்ற கூட்டத்தொடரில் அறிவித்தார். இதன்படி இலவச சர்க்கரைவழங்கப்படுகிறது.

இதுகுறித்த அறிக்கையில், "தீபாவளி பண்டிகையை முன்னிட்டு புதுவை அரசால் அனைத்து ரேஷன்கார்டுகளுக்கும் தலா 2 கிலோ வீதம் சர்க்கரை இலவசமாக நியாய விலைக்கடைகள் மூலம் வழங்கப்படுகிறது.

இந்த இலவச சர்க்கரையை வருகிற நவம்பர் மாதம் 15 ஆம் தேதி வரை வழங்குமாறு ரேஷன்கடை விற்பனையாளர்களுக்கு அறிவுறுத்தப்படுகிறது. இந்த தகவல் அனைத்தையும் பொதுமக்கள் அறியும்படி தகவல் பலகையில் எழுதி வைக்கவேண்டும்" என்று தெரிவிக்கப்பட்டுள்ளது.

English summary

Puducherry CM has announced free sugar in Ration shops. This offer continues till November 15th.