ஸ்லீப்பர் செல்கள் உட்பட 40 எம்.எல்.ஏக்கள் தினகரனுக்கு ஆதரவு: தங்க தமிழ்செல்வன் 'பொளேர்'
ஸ்லீப்பர் செல்கள் உட்பட 40 எம்.எல்.ஏக்கள் ஆதரவு தினகரனுக்கு இருக்கிறது என தங்க தமிழ்செல்வன் கூறியுள்ளார்.
சென்னை: அதிமுகவின் ஸ்லீப்பர் செல்கள் உட்பட 40 எம்.எல்.ஏக்கள் ஆதரவு தினகரனுக்கு இருக்கிறது என தங்க தமிழ்செல்வன் கூறியுள்ளார்.
புதுச்சேரி சொகுசு ரிசார்ட்டில் தங்கியிருந்த எம்.எல்.ஏ. தங்க தமிழ்செல்வன் இன்று சென்னையில் டிடிவி தினகரனை நேரில் சந்தித்து பேசினார். இதையடுத்து செய்தியாளர்களிடம் தங்க தமிழ்செல்வன் கூறியதாவது:
அதிமுக நிர்வாகிகள் மாற்றத்தை எதிர்த்து முதல்வர் எடப்பாடி பழனிச்சாமி தரப்பினர் நீதிமன்றத்தில் முறையிடலாம். ஆனால் நீதிமன்றத்தில் வழக்கு போட்டால் அது செல்லுபடியாகாது.
அதிமுக பொதுக்குழுவை கூட்டும் அதிகாரம் சசிகலாவுக்கு மட்டுமே உண்டு. அதிமுக பொதுக்குழு விரைவில் கூட்டப்படும்.
முதல்வர் பதவியில் இருந்து எடப்பாடி பழனிச்சாமி விரைவில் மாற்றப்படுவார். இது தொடர்பாக ஜனாதிபதியை 2 நாட்களில் நாங்கள் சந்திக்க உள்ளோம்.
டிடிவி தினகரனுக்கு மொத்தம் 40 எம்.எல்.ஏக்கள் ஆதரவு இருக்கிறது. ஸ்லீப்பர் செல்கள் உட்பட 40 பேரையும் நாங்கள் விரைவில் காட்டுவோம்.
இவ்வாறு தங்க தமிழ்செல்வன் கூறினார்.
Click it and Unblock the Notifications
Sign in with Google