ஆர்.கே,நகரில் ஆண்கள் 75.92%; பெண்கள் 79.21% வாக்களிப்பு

ஆர்.கே.நகரில் ஆண்களை விட பெண்களே அதிக அளவில் வாக்களித்துள்ளனர்.

சென்னை: ஆர்.கே. நகர் தொகுதி இடைத் தேர்தலில் பொதுமக்கள் நேற்று வெகு ஆர்வத்துடன் வாக்களித்துள்ளனர். மொத்தம் 77.68% வாக்குகள் பதிவாகி இருந்தன.

ஆர்.கே.நகருக்கான இடைத் தேர்தல் ஏப்ரல் மாதம் நடைபெற இருந்தது. ஆனால் கடைசி நிமிடத்தில் தேர்தல் ரத்தானது.

இதனைத் தொடர்ந்து நீதிமன்ற உத்தரவினால் தற்போது தேர்தல் நடைபெற்று முடிவடைந்துள்ளது. இத்தேர்தலில் நேற்று வாக்களிக்க வாக்காளர்கள் அதிகளவு ஆர்வம் காட்டினர்.

ஆண்களை விட பெண்களே வாக்களிப்பதில் ரொம்பவும் முனைப்பாக இருந்தனர். வாக்குப் பதிவு மாலை 5 மணிக்கு முடிவடைந்த பின்னரும் கூட நீண்டவரிசைகளில் பல வாக்குச் சாவடிகளில் பொதுமக்கள் காத்திருந்தனர்.

ஆர்.கே.நகரில் மொத்தம் 77.68% வாக்குகள் பதிவாகி உள்ளன. வாக்குப் பதிவு விவரம்:

ஆண்கள்: 84195 (75.92%)

பெண்கள்: 92862 (79.21%)

மொத்தம் பதிவான வாக்குகள்: 1,77,074 (77.68%)

English summary

RK Nagar bypoll witnessed a record 77.68% voter turnout on Thursday.