• search

8 வயதில் பென்ஸ் கார் மீது காதல்கொண்ட விவசாயி.. 88 வயதில் காதலை வசமாக்கி சாதனை!

By Kalai Mathi
FOLLOW ONEINDIA TAMIL ON
For Quick Alerts
ALLOW NOTIFICATIONS
For Daily Alerts
      88 வயதில் பென்ஸ்கார் வாங்கி சிறுவயது கனவை நனவாக்கிய விவசாயி-வீடியோ

      காஞ்சிபுரம்: 88 வயதில் பென்ஸ்கார் வாங்கி சிறுவயது கனவை நனவாக்கிய விவசாயிக்கு பாராட்டுக்கள் குவிந்து வருகிறது.

      காஞ்சிபுரத்தை சேர்ந்தவர் தேவராஜன். 88 வயது முதியவரான இவர் விவசாயி ஆவார்.

      இவர் 8 வயதாக இருந்த போது சாலையில் சென்ற பென்ஸ் கார் ஒன்றினை பார்த்து ஆசைப்பட்டுள்ளார். சைக்கிளில் சென்றுகொண்டிருந்த போது என்ன கார் என்று தெரியாமலே அந்தக் காரை வாங்க வேண்டும் என்றும் முடிவு செய்துள்ளார் தேவராஜன்.

      80 ஆண்டுகள் கடந்தன

      80 ஆண்டுகள் கடந்தன

      அந்தக் காரின் முகப்பில் இருந்த லோகோ டிசைன் மட்டுமே இவருக்கு நினைவில் இருந்துள்ளது. அந்த லோகோ டிசைனை மட்டுமே மனதில் வைத்து 80 ஆண்டுகளை கடந்த தேவராஜன் தனது 88வது வயதினில் கனவை நனவாக்கி சாதித்துள்ளார்.

      பி கிளாஸ் பென்ஸ்

      பி கிளாஸ் பென்ஸ்

      ஆம் அண்மையில் 33 லட்சம் ரூபாய் மதிப்புள்ள பென்ஸ் காரை வாங்கினார் தேவராஜன். சென்னையிலுள்ள பென்ஸ் ஷோரூமில் புதிதாக வெள்ளை நிறத்திலான பி-கிளாஸ் பென்ஸ் கார் ஒன்றினை வாங்கியுள்ளார்.

      88 வயதில் வசப்பட்ட காதல்

      88 வயதில் வசப்பட்ட காதல்

      8 வயதில் பென்ஸ் கார் மீது காதல் கொண்ட தேவராஜன் இந்த தள்ளாத 88 வயதில் அதனை கரம்பிடித்து வியக்க வைத்துள்ளார். தேவராஜனின் கனவு 80 ஆண்டுகளுக்குப் பின்னர் நிறைவேறப்போவதை அறிந்த பென்ஸ் ஷோரூம் நிர்வாகத்தினர் அவர் ஷோரூமில் நுழைவது முதல் காரை டெலிவரி எடுப்பது வரை வீடியோவாக எடுத்து அவரின் கனவுக்கு மரியாதை கொடுத்துள்ளனர்.

      கொண்டாடிய பென்ஸ் நிறுவனம்

      கொண்டாடிய பென்ஸ் நிறுவனம்

      டெலிவரி எடுக்கும் முன்னதாக கேக் ஒன்றையும் அவர் மூலமாக வெட்டச்செய்து அவரின் வாழ்நாள் சாதனையை கொண்டாடியுள்ளனர் பென்ஸ் கார் நிறுவனத்தினர். தனது மனைவியுடன் பென்ஸ் காரை வாங்கி குதூகலித்துள்ளார் தேவராஜன்.

      மனைவியின் 100% ஒத்துழைப்பு

      மனைவியின் 100% ஒத்துழைப்பு

      80 ஆண்டுகளாக தனது கடின உழைப்பின் மூலம் சிறுக சிறுக சேமித்து தனது கனவை நிறைவேற்றியிருக்கிறார். தனது கனவு நனவாகியதில் தன் மனைவி 100% ஒத்துழைப்பு கொடுத்ததாக கூறிய தேவராஜன் தனது லட்சியம் நிறைவேறிவிட்டதாக புன்னகைத்தபடியே பென்ஸ்காரில் புறப்பட்டார்.

      குவியும் பாராட்டு

      குவியும் பாராட்டு

      ஆசையை நிறைவேற்ற வயது ஒரு தடையில்லை என நிரூபித்துள்ள விவசாயி தேவராஜனுக்கு பலரும் வாழ்த்துக்களையும் பாராட்டுக்களையும் தெரிவித்து வருகின்றனர்.

      பொருத்தமான வரன் தேடுகிறீர்களா? தமிழ்மேட்ரிமோனியில் பதிவு இலவசம்!

      English summary
      A 88 years old farmer buys Mercedes Benz to fulfil his childhood dream in Kanchipuram.

      நாள் முழுவதும் oneindia
      செய்திகளை உடனுக்குடன் பெற

      We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more