தண்டவாளத்தில் விழுந்த கார்.. உதகை மலை ரயில் சேவை பாதிப்பு பயணிகள் அவதி!
உதகையில் தண்டவாளத்தில் கார் உருண்டு விழுந்ததால் மலை ரயில் சேவை பாதிக்கப்பட்டள்ளது.
குன்னூர்: உதகையில் மலை ரயில் பாதையில் கார் ஒன்று உருண்டு விழுந்தது. இதனால் உதகை- குன்னூர் இடையே மலை ரயில் சேவை பாதிக்கப்பபட்டுள்ளது.
உதகையில் தற்போது சீசன் தொடங்கியுள்ளது. அவ்வப்போது சில்லென மழை பெய்வதால் இதமான சூழல் நிலவி வருகிறது.
இந்நிலையில் கோடை விடுமுறை என்பதாலும், சீசனை அனுபவிக்க வேண்டும் என்பதாலும் உதகையில் ஏராளமான சுற்றுலாப் பயணிகள் குவிந்து வருகின்றனர். உதகைக்கு சுற்றுலா வருபவர்கள் மலை ரயிலில் பயணம் செய்வதில் ஆர்வம் காட்டி வருகின்றனர்.
இதற்காக பல மாதங்களுக்கு முன்பே முன்பதிவு செய்துள்ளனர். இந்நிலையில் உதகை மலை ரயில் பாதையில் கார் ஒன்று உருண்டு விழுந்தது. கேத்தி என்ற இடத்தில் கார் உருண்டு விழுந்ததால் உதகை - குன்னூர் இடையே மலை ரயில் சேவை பாதிக்கப்பட்டுள்ளது.
இதனால் சுற்றுலாப் பயணிகள் பெரும் அவதியடைந்துள்ளனர். ரயில் பாதையில் விழுந்துள்ள காரை அப்புறப்படுத்தும் பணி நடைபெற்று வருகிறது.
Click it and Unblock the Notifications
Sign in with Google