வாலிபால் போட்டி: வைகோ விளையாடிய அணி வெற்றி

நெல்லை: பாளையங்கோட்டையில் நடைபெற்று வரும் வாலிபால் போட்டியில் மதிமுக பொதுச்செயலர் வைகோ இறங்கி விளையாடிய கலிங்கப்பட்டி வையாபுரியார் அணி வெற்றி பெற்றது.

கலிங்கப்பட்டி வையாபுரியார் நினைவு கைப்பந்தாட்டக் கழகம் சார்பில் திருநெல்வேலி, தூத்துக்குடி மாவட்டங்களுக்கு இடையிலான வாலிபால் போட்டிகள் வெள்ளிக்கிழமை தொடங்கியது. 2 ஆவது நாளாக நேற்று நாக் அவுட் முறையில் நடைபெற்ற போட்டியில் 10 அணிகளும், லீக் முறையில் நடைபெற்ற போட்டியில் 4 அணிகளும் பங்கேற்றன.

இப்போட்டியினை மதிமுக பொதுச்செயலரும், வையாபுரியார் நினைவு கைப்பந்துக் கழகத் தலைவருமான வைகோ தொடங்கி வைத்தார். முதல் சுற்றில் ஏர்வாடி எல்.வி. விளையாட்டுக் கழக அணியும், தச்சை ராயல் கிங்ஸ் அணியும் விளையாடின. இதில் ஏர்வாடி எல்.வி. அணி வெற்றி பெற்றது.

2 ஆவது சுற்றில் காசியாபுரம் டால்பின் வாலிபால் அணியும், கொங்கந்தான்பாறை லியோ எங்க்ஸ்டர் அணியும் விளையாடின. இதில் டால்பின் வாலிபால் அணி வென்றது.

3 ஆவது சுற்றில் தச்சை நெல்லை அட்டாக் அணியும், என்.ஜி.ஓ. காலனி ஏ ஒன் வாலிபால் அணியும் விளையாடின. இதில் ஏ.ஒன் அணி வெற்றி பெற்றது.

4 ஆவது சுற்று போட்டியில் ஏர்வாடி எல்.வி. கிளப் அணியும், சங்கனாங்குளம் வாலிபால் மாடசாமி கிளப் அணியும் விளையாடின. இதில் வாலிபால் மாடசாமி அணி வெற்றி பெற்றது.

5 ஆவது சுற்றுப் போட்டியில் பாளையங்கோட்டை அன்புநகர் பி.சி.பி. அணியும், கலிங்கப்பட்டி வையாபுரியார் கைப்பந்துக் கழக அணியும் விளையாடின. கலிங்கப்பட்டி அணியில் மதிமுக பொதுச்செயலர் வைகோவும் களம் இறங்கி விளையாடினார்.

வாலிபால் போட்டியில் பங்கேற்று விளையாடிய வைகோவை பார்வையாளர்கள் கை தட்டி உற்சாகப்படுத்தினர். போட்டியில் 30 க்கு 16 என்ற புள்ளி கணக்கில் வைகோ களம் இறங்கிய கலிங்கப்பட்டி அணி வெற்றி பெற்றது.

English summary

Marumalarchi Dravida Munnetra Kazhagam general secretary Vaiko is known for his crusade for ‘Tamil Eelam,’ linking of rivers, total prohibition and casteless society. The highlight of the event is Mr. Vaiko, now 69, will be the part of Vaiyapuriyar Memorial Volleyball Club from his native place Kalingapatti. Amid thunderous applause from the spectators, he played the game with the youngsters with a lot of enthusiasm.