வெளியூர் சென்ற மனைவி வீடு திரும்பும் முன் கணவன் கவனிக்க வேண்டிய செக்லிஸ்ட்...! கோடை விடுமுறை ஸ்பெஷல்

கோடை விடுமுறை முடியவுள்ள நிலையில் வெளியூர், அம்மா வீடு என சென்றுள்ள மனைவிமார்கள் வீடு திரும்பவுள்ளனர்.

சென்னை: கோடை விடுமுறை முடியவுள்ள நிலையில் வெளியூர், அம்மா வீடு என சென்றுள்ள மனைவிமார்கள் வீடு திரும்பவுள்ளனர். அவர்கள் வீட்டிற்கு வந்ததும் வராததுமாக கோபப்படுத்தாமல் இருக்க கணவன் மார்கள் செய்ய வேண்டியவைகள் குறித்து வாட்ஸ் அப்பில் ஒரு தகவல் தீயாக பரவி வருகிறது.

இதோ அந்த தகவல் உங்களுக்காக...

1) வாட்ஸ்-அப், ஃபேஸ்புக் சேட் கான்வர்ஷேசன் டெலிட் செய்ய வேண்டும்.
2) கம்ப்யூட்டரில் பிரவுசர் ஹிஸ்டரி க்ளியர் செய்ய வேண்டும்
3) செல்போன் கால் லாக் டெலிட் செய்ய வேண்டும்
4) மனைவிக்கு தெரியாமல் புகை, மது பழக்கம் இருப்பின் வீட்டில் உள்ள சிகரெட் துண்டுகள், ஓப்பனர், பீர் பாட்டில், மூடி எல்லாம் தூக்கி எறிதல் வேண்டும்
5) மனைவி வீட்டில் இல்லாததால் அனைத்து நேரங்களிலும் போனில் கடலை வறுத்த தன் கேர்ள் பிரண்ட்ஸ்களுக்கு மனைவி வரும் நேரத்தை சொல்லி உஷார்படுத்த வேண்டும்.
6) இரண்டு, மூன்று வீட்டு வேலைகளை செய்து அதிகம் சிரமப்பட்டது போல் காட்டி கொள்ள வேண்டும்
7) மனைவி வருவதற்கு முன்பே சென்று பஸ் நிலையத்திலோ ரயில் நிலையத்திலோ காத்திருந்து பிக்-அப் செய்ய வேண்டும்
8) மனைவி கொண்டு வரும் லக்கேஜ்களை போர்ட்டர் போல் சுமந்து வீட்டுக்கு கூப்பிட்டு வர வேண்டும்
9) 'நீங்க இல்லாம சார் ரொம்ப தவிச்சி போயிட்டார்' என்று சொல்ல பக்கத்து வீட்டு ஆண்டியிடமோ அல்லது காய்கறி கொண்டு வரும் அம்மாவிடமோ நல்ல பெயரை வாங்கியிருக்க வேண்டும்.

இதுவும் பத்தாது எனில்....

1. ஸிங்கில் பாத்திரங்களை போட்டு வைத்திருந்தால் கழுவி வைக்கனும்.
2. அடுப்படியை துடைத்து வைக்கணும். மாடு கன்னு போட்ட இடம் மாதிரி இருக்கக் கூடாது.
3. வீட்டை கூட்டி மூலையில் பத்து பதினைந்து நாளாக சேர்த்து வைத்த குப்பைகளை அப்புறப்படுத்தனும்.
4. பத்து பதினைந்து நாளாக மடிக்காத போர்வையை மடிக்கனும். பெட்சீட்டை விரித்து பெட்டின் மீது ப்ரஷ்ஷாக விரிக்கணும்.
5. வந்ததும் காபி போட பால் இருக்கான்னு பார்க்கணும்.

5A. பிரிஜ்ஜை செக் பண்ணனும். இரண்டு முணு நாளைக்கு வைத்துக்கொள்ளுங்கள் என மனைவி சொல்லிச் சென்ற பதார்த்தங்கள் அப்படியே இருக்கும். அவற்றை காலி பண்ணி கழுவி வைக்கணும்
6. முகத்தை பாவப்பட்ட மாதிரி வைத்துக் கொள்ளணும். சந்தோஷமா இருக்கிறது தெரியப்படாது...
7. வந்து நுழைந்ததும் ஸ்கேனிங் நடக்கும். எதிரி நாட்டு எல்லையில் நுழையும் ஒற்றன் மாதிரி முகபாவத்தை வைத்துக் கொள்ளனும்.

இதுக்கு மேல எக்ஸ்ட்ரா பர்ஃபார்மன்ஸ் உங்களுடையது. அதற்காக ஓவர் ஆக்டிங் கொடுத்த மாட்டிக்கொண்டால் அதற்கு கம்பெனி பொறுப்பாகாது...!

English summary

A message spreading on social media especially on whats app about to make the wife happy from returning from home.