'பேஸ்புக்'ல புதுஸ்ஸா ஒரு 'ஐட்டம்' சேர்த்திருக்காங்க...பார்த்தீங்களா...?
சென்னை: பேஸ்புக் பிரியர்கள் இதைக் கவனித்திருக்க முடியும்.. அதாவது புதிதாக ஒரு விஷயத்தை பேஸ்புக்கில் இணைத்துள்ளனர்.
பேஸ்புக் சமீப காலமாக சின்னச் சின்ன மாற்றங்களைக் கண்டு வருகிறது. லோகோவை சமீபத்தில் மாற்றினர். பின்னர் நாம் யாருக்காவது லைக் கொடுத்தாலோ அல்லது ஏதாவது லிங்க்கை ஷேர் செய்தாலோ அதை நம்முடைய நட்பு வட்டாரம் அறியும் வகையில், மேலே ஒரு டப்பாவைப் போட்டு அதில் தெரியப்படுத்த ஆரம்பித்தனர்.
இந்த வரிசையில், இப்போது இன்னொரு விஷயத்தையும் சேர்த்துள்ளனர். அதாவது நாம் கம்ப்யூட்டர் மூலம் பேஸ்புக்கை பிரவுஸ் செய்கிறாமோ அல்லது மொபைல் போனில் பிரவுஸ் செய்கிறோமோ என்பதை பக்கத்திலேயே சொல்ல ஆரம்பித்துள்ளனர்.
சாட் பாக்ஸில் இதை பார்க்கலாம். அதாவது பெர்சனல் கம்ப்யூட்டர் அல்லது லேப்டாப் மூலம் நாம் பேஸ்புக்கை பார்த்துக் கொண்டிருக்கிறோம் என்றால் நமது பெயருக்குப் பக்கத்தில் 'வெப்' என்ற வார்த்தையை பச்சைக் கலரில் மின்ன விடுகின்றனர்.
அதுவே மொபைல் போனில் பார்த்துக் கொண்டிருக்கிறோம் என்றால் அதே பச்சைக் கலரில் 'மொபைல்' என்ற வாசகம் வருகிறது.
இதை வைத்து நம்முடைய நண்பர் எதன் மூலமாக பேஸ்புக்கில் மூழ்கிக் கிடக்கிறார் என்பதை நட்பு வட்டாரங்கள் அறிந்து கொள்ளலாம்.