கட்டப்பா + பாகுபலி= கபாலி... இதெப்படி இருக்கு?

சென்னை: கபாலியை ஆரம்பத்தில் சீண்டிப் பார்த்தவர்கள் இப்போது அதை கொண்டாட ஆரம்பித்து விட்டனர். அந்த வகையில் பாகுபலியோடு கபாலியை இணைத்து புதிய மீம் ஒன்று இணையத்தில் வைரலாக பரவி வருகிறது.

பாகுபலியை விட பல மடங்கு உயர்ந்தது கபாலி என்று ஏற்கனவே கலைப்புலி தாணு சொல்லி விட்டார்.

அதனை மெய்ப்பிப்பது போல் பல புள்ளி விபரங்களும் கிடைத்தன.

தெறிக்கவிட்ட டிரைலர்...

அதாவது பாகுபலி' படம் டிரைலர் ‘யுடியூப்' பில் வெளியிடப்பட்டது. இதை ஒருகோடிக்கும் அதிகமானவர்கள் பார்த்து இருக்கிறார்கள். ஆனால் ‘கபாலி' படம் திரைக்கு வருவதற்கு முன்பே இதன் ‘டீசரை' 2 கோடிக்கும் அதிகமானோர் யுடியூப்பில் பார்த்து விட்டனர்.

ரிலீசிலும் சாதனை...

‘பாகுபலி' தமிழ் தெலுங்கு, இந்தி, மலையாளம் உள்பட பல மொழிகளில் வெளியானது. படம் திரைக்கு வந்த பிறகுதான் சீனாவிலும் வேறு சில நாடுகளிலும் திரையிட முடிவு செய்யப்பட்டது. ஆனால் ‘கபாலி' தமிழ், தெலுங்கு, இந்தி, மலையாளம், கன்னடம் மட்டுமல்ல மலாய் மொழியிலும் ரிலீசாகியுள்ளது. தாய்லாந்து, ஜப்பான், இந்தோனேஷியா விலும் அந்தந்த மொழிகளில் ‘டப்பிங்' செய்யப்பட்டுள்ளது.

அதிக தியேட்டர்கள்...

உலகப் புகழ்பெற்ற பிரான்ஸ் நாட்டின் ‘ரெக்ஸ் சினிமாஸ்' திரையரங்கில் திரையிடப்படும் முதல் இந்திய படம் என்ற பொருமையை ‘கபாலி' பெற்றுள்ளது. உலக அளவில் ‘பாகுபலி' 4 ஆயிரத்துக்கும் அதிகமான தியேட்டர்களில் திரையிடப்பட்டதாக கூறப்பட்டது. ஆனால் கபாலி 5 ஆயிரத்துக்கும் அதிகமான திரையரங்குகளில் வெளியாகியுள்ளது.

மீம்ஸ்...

இப்படியாக பாகுபலியை கபாலி தூக்கி சாப்பிட்டு விட்டது என தகவல்கள் தெரிவிக்கின்றன. ஆனால், கபாலி வேறு யாருமல்ல, அது பாகுபலியின் உறவு தான் என்ற நிலையில் புதிய மீம்ஸ் ஒன்று இணையத்தில் உலா வருகிறது. அதில், கட்டப்பா + பாகுபலி = கபாலி என்று போட்டுள்ளனர். இதுவரை கட்டப்பாவையும், பாகுபலியையும் தனித் தனியாக பேசிக் கொண்டிருந்த வாய்கள் இனி சில காலம் கபாலி குறித்துப் பேசும் என்பதில் சந்தேகம் இல்லை

English summary

A new meme of Rajini's Kabali comparing with Baahubali is viral now.