"கட்" அடித்து "சிங்கம்" பார்க்கப் போன மாணவர்களை வெளுத்தெடுத்த ஆசிரியர்.. வாட்ஸ் ஆப் பரபரப்பு!
சென்னை: என்ன ஊர், பள்ளி மாணவர்களா அல்லது கல்லூரி மாணவர்களா எனத் தெரியவில்லை, ஆனால் சிங்கம் படத்திற்குப் போனதற்காக சில மாணவர்கள், அவர்களது ஆசிரியரிடம் சரமாரியாக அடி வாங்கும் வீடியோ தற்போது வாட்ஸ் அப்பில் வேகமாக பரவி வருகிறது.
சமூக வலைதளங்கள் மூலம் பல நன்மைகளும், பல சமூக அவலங்களும் அவ்வப்போது அம்பலாமாகிக் கொண்டு தான் இருக்கின்றன. ஜம்மு காஷ்மீர் வெள்ளத்தின் போது கூட, வெள்ளத்தில் சிக்கிக் கொண்ட பலரை மீட்க வாட்ஸ் அப் துணை புரிந்தது என்பது மறுக்க முடியாத உண்மை.
ஆனால், சமீபத்தில் அழகிய பெண் ஒருவரின் புகைப்படத்துடன், ‘இவர் கேஸ் ஸ்டவ்' ரிப்பேர் செய்கிறேன் எனக் கூறிக் கொண்டு திருடுபவர் என்ற தவறான தகவலும் பரவியது நினைவு கூரத் தக்கது. பின்னர் அது தவறான தகவல் என போலீசார் விளக்கமளித்தது வேறு கதை.
இந்நிலையில், தற்போது ஹாஸ்டலில் இருந்து தப்பி சிங்கம் படம் பார்க்கப் போன மாணவரை ஆசிரியர் ஒருவர் அடிப்பது போன்ற வீடியோ ஒன்று வாட்ஸ் அப்பில் வெளியாகியுள்ளது.
ஆத்திரமடையும் ஆசிரியர்...
'நேற்று ஹாஸ்டலில் இருந்து மாணவர் ஒருவர் தப்பி சென்று விட்டார்' என்ற புகாருடன் உள் நுழைகிறார் ஒருவர். அதைக் கேட்டு ஆத்திரமடைகிறார் ஆசிரியர் போன்ற தோற்றத்தில் உள்ள ஒருவர்.
அடி வெளுக்கிறார்...
உடனடியாக வாசலில் உள்ள ஷட்டரை இழுத்து மூடச் சொல்லி விட்டு, முதலில் கையால் அடிக்கிறார், பின்னர் குச்சி மூலம் அம்மாணவரை அவர் அடி வெளுக்கிறார்.
சிங்கம் படம்...
அடித்துக் கொண்டே சிங்கம் படத்திற்குப் போனியா என அவர் கேட்கிறார். இதன் மூலம், இந்த வீடியோ சிங்கம் படம் ரிலீசான சமயத்தில் எடுக்கப் பட்டிருக்கலாம் எனத் தெரிகிறது.
வாட்ஸ் அப்பில்...
இது உண்மைச் சம்பவமா அல்லது போலியாக சித்தரிக்கப் பட்டு எடுக்கப் பட்டதா எனத் தெரியவில்லை. ஆனால், இந்த வீடியோ தற்போது வாட்ஸ் அப்பில் வேகமாக பரவி வருகிறது.
Click it and Unblock the Notifications
Sign in with Google