நன்றி விவசாயிகளே.. நெகிழ வைக்கும் ஆர்.ஜே.பாலாஜி வீடியோ
ஃபார்ஸ்ட் ஃபுட் உணவு, நவீன ஆடை என எல்லாவற்றுக்கும் அடிப்படை விவசாயம்தான் என்ற உண்மையை முகத்தில் அறைந்து சொல்கிறது இந்த வீடியோ.
சென்னை: எது மிகவும் முக்கியமான வேலை என்ற கேள்வியுடன் ஆரம்பிக்கிறது இந்த வீடியோ. சிறுவர் முதல் பெரியவர் வரை ஆளுக்கொரு வேலையை சொல்கிறார்கள்.
போலீஸ், ராணுவம் என நீளும் பட்டியல், இந்திய பிரதமர் வேலைதான் முக்கியமானது என்பது வரை சென்று முடிகிறது. சிலர் இது ரொம்ப கஷ்டமான கேள்வி என கூறுவதையும் பார்க்க முடிகிறது.
ஆர்.ஜே.பாலாஜி டீம் இந்த கேள்விகளை பல தரப்பினரிடமும் கேட்கிறார்கள். கடைசியாக விவசாயம்தானே முக்கியம் என்று இவர்கள் கேட்கும்போது அதுவரை பதில் சொன்னவர்கள் முகத்தில் அசடு வழிகிறது.
அட, ஆமால்ல.. என்பதை போல ரியாக்ஷன் காட்டுகிறார்கள். முருகப்பா நிறுவனம் இந்த வீடியோவை எடுத்து, விவசாயிகளுக்கு நன்றி என்ற கேப்ஷனோடு முடித்துள்ளது.
டெல்லியில் தமிழக விவசாயிகள் ஆடை அவிழ்த்து போராடும் இந்த இக்கட்டான, சூழலில் வீடியோ வைரலாகியுள்ளது. நன்றி விவசாயிகளே.. என முத்தாய்ப்பாய் முடிகிறது இந்த வீடியோ.
ஃபார்ஸ்ட் ஃபுட் உணவு, நவீன ஆடை என எல்லாவற்றுக்கும் அடிப்படை விவசாயம்தான் என்ற உண்மையை முகத்தில் அறைந்து சொல்கிறது இந்த வீடியோ. பார்த்து முடித்த பிறகு, அடடே, விவசாயிகள்தாம்ப்பா நிஜ ஹீரோக்கள் என்ற எண்ணம் எல்லோருக்கும் வருவதை தவிர்க்க முடியாது.
Click it and Unblock the Notifications
Sign in with Google