ஹர்பஜன் சிங்கோட நம்பர் ஒன் ஃபேன் நம்ம சின்னாளப்பட்டிக்காரராம்!

இந்திய கிரிக்கெட் வீரர் ஹர்பஜன் சிங் தமிழில் போட்ட டிவிட்டெல்லாம் சின்னாளப்பட்டியை சேர்ந்த அவரின் ரசிகருடையது என தெரியவந்துள்ளது.

Updated: Monday, February 5, 2018, 13:25 [IST]

Subscribe to Oneindia Tamil

பதிலடி கொடுத்த ரசிகர்

ஹர்பஜனின் ஆட்டம் குறித்து விமர்சனங்கள் எழுந்தபோதும் ரசிகர்கள் அவரை விமர்சித்தப் போதும் டிவிட்டரில் அவருக்கு ஆதரவாக பதிலடி கொடுத்து வந்துள்ளார் சரவணன்.

பிரமித்த பஜ்ஜி

இதனால் பிரமித்துப் போன ஹர்பஜன், தனது மேலாள விக்ரம்சிங்கின் தொலைபேசி எண்ணை சரவணனிடம் கொடுத்து அவரை தொடர்புகொள்ளுமாறு கூறியுள்ளார். பின்னர் தனது மேலாளர் மூலம் சரவணன் குறித்த மொத்த தகவலையும் அறிந்துள்ளார் ஹர்பஜன் சிங்.

நேரில் சந்தித்த பஜ்ஜி

இதையடுத்து திண்டுக்கல்லில் நடைபெற்ற பஞ்சாப் தமிழக அணிகளுக்கு இடையிலான போட்டியின் போது தான் தங்கியிருந்த ஹோட்டலுக்கு வரச்சொல்லி சரவணனை நேரடியாக சந்தித்துள்ளார் ஹர்பஜன் சிங்.

வேகமும் , விவேகமும் , உழைப்பும் , தூய்மையும் சொத்தாய் கொண்ட தமிழ் மக்கள் வாழ்வில் மகிழ்வோடு பொங்கட்டும் புது பொங்கல் என் இதயம் கனிந்த தமிழர் திருநாள் நல்வாழ்த்துக்கள்

என்றும் அன்புடன் உங்கள்,
ஹர்பஜன் சிங்
— Harbhajan Turbanator (@harbhajan_singh) January 14, 2018

தமிழில் பொங்கல் வாழ்த்து

அப்போது சரவணன் அவருடன் போட்டோ எடுக்க விருப்பியதாக ஹர்பஜன் சிங் சேர்ந்து போட்டோவும் எடுத்துள்ளார். இப்படியாக வளர்ந்துள்ளது இவர்களின் நட்பு.

இந்நிலையில் சரவணன் ஹர்பஜன் சிங்கிற்கு தமிழில் பொங்கல் வாழ்த்து கூறியுள்ளார். அதைத்தான் தனது டிவிட்டரில் பதிவிட்டுள்ளார் ஹர்பஜன் சிங்.

நம்பர் ஒன் ரசிகர்

ஹர்பஜன் சிங்கின் அந்த தமிழ் பொங்கல் வாழ்த்து டிவிட்டு வழக்கத்தை விட அதிகமான லைக்குகளை அள்ளியது. இதைத்தொடர்ந்து சரவணன்தான் தனது நம்பர் ஒன் ரசிகர் ஆதரவாளர் என தெரிவித்துள்ளார்.

Thank you for your love and support as always @ImSaravanan_P My number 1 fan,supporter...met him in #Dandigul in tamilnadu 2/3 yrs back. God bless you .. Take care
— Harbhajan Turbanator (@harbhajan_singh) January 27, 2018

அன்புக்கும் ஆதரவுக்கும் நன்றி

இதுதொடர்பாக கடந்த மாதம் 27 ஆம் தேதி பதிவிட்ட டிவிட்டில் உங்களுடைய அன்புக்கும் ஆதரவுக்கும் நன்றி என்றும் சரவணன்தான் தன்னுடைய முதல் ரசிகர் மற்றும் ஆதரவாளர் என்றும் தெரிவித்துள்ளார்.

Thanks a lot dear @harbhajan_singh pa for recognizing me as u r number one fan so happy and more over the love and respect u show me is unconditional..Thanks is just a word @ChennaiIPL @SriniMama1@thatsTamil @srinதமிழன்டா எந்நாளும் பஜ்ஜி இன் தமிழ் இங்கு இருந்து புணர்ந்து வந்தது. https://t.co/UeJfWgtoBW
— Saravanan Pandiyan (@ImSaravanan_P) January 27, 2018

திண்டுக்கல்லில் சந்தித்தேன்

2/3 ஆண்டுகளுக்கு முன்பு திண்டுக்கல்லில் அவரை சந்தித்ததாகவும் தெரிவித்த ஹர்பஜன் கடவுள் உங்களை ஆர்சிர்வதிக்கட்டும் டேக் கேர் என தெரிவித்துள்ளார். இதற்கு உணர்ச்சி பொங்க ஹர்பஜனுக்கு நன்றி தெரிவித்துள்ளார் சரவணன்.