அப்துல் கலாம் மறைவு செய்தி கேட்டு அதிர்ச்சியில் மயங்கிய அண்ணன்!

ராமேஸ்வரம்: முன்னாள் குடியரசு தலைவர் அப்துல் கலாம் மறைந்த செய்தி அறிந்த அவரது அண்ணன் அதிர்ச்சியில் மயங்கி விழுந்தார்.

முன்னாள் குடியரசு தலைவர் அப்துல் கலாம் பூர்வீக வீடு, ராமேஸ்வரத்திலுள்ளது. கலாமின் மறைவு செய்தி நேற்று இரவு அவரது சொந்த ஊரை எட்டியது.

இந்த தகவல் அப்துல் கலாமின் அண்ணன் முத்து முகமது மீரா லெப்பை மரைக்காயருக்கும் தெரிவிக்கப்பட்டது. தம்பியின் மறைவை கேள்விப்பட்ட முத்து முகமது அதிர்ச்சியில் மயங்கி விழுந்தார்.

98 வயதான முத்து முகமது, ஏற்கனவே வயது முதிர்வால் தளர்ந்து இருக்கும் நிலையில், தம்பியின் மறைவை அவரால் தாங்கிக்கொள்ள முடியாமல் தலை சுற்று ஏற்பட்டதாக கூறப்படுகிறது. பிறகு அவரது முகத்தில் தண்ணீர் தெளித்தனர். அதன்பின் அவர் எழுந்து பேசமுடியாமல் அப்படியே சோகமாக அமர்ந்து இருந்தார்.

English summary

Abdul Kalam's elder brother went unconscious when he heard about Kalam's demise.