தரம் தாழாதீர்கள், சுவரொட்டிகள் ஒட்டும் செலவு நற்பணிக்கு போகட்டும்.. கமல் புது டிவீட்

சுவரொட்டிகள் ஒட்டும் செலவு நற்பணிக்கு போகட்டும்: ரசிகர்களுக்கு கமல் வேண்டுகோள்

சென்னை: தரம் தாழாதீர்கள், வைது சுவரொட்டிகள் ஒட்டும் செலவு நற்பணிக்கு போகட்டும் என்று நடிகர் கமல்ஹாசன் டிவிட்டர் மூலம் ரசிகர்களுக்கு வேண்டுகோள் விடுத்துள்ளார்.

நடிகர் கமலஹாசன் கடந்த சில நாட்களுக்கு முன்பு தமிழக அரசின் மீது ஊழல் குற்றச்சாட்டு கூறி இருந்தார். இதற்கு அமைச்சர்கள் ஜெயக்குமார், ஓ.எஸ்.மணியன், சி.வி. சண்முகம் ஆகியோர் கண்டனம் தெரிவித்ததுடன் கடுமையான வாசகங்களையும் பயன்படுத்தினர். இதனையடுத்து கமலுக்கும் தமிழக அரசுக்கும் இடையே கண்டன மோதல்கள் தினந்தோறும் நடந்து வருகிறது.

தமிழக அரசு மீது ரசிகர்கள் தங்களுக்கு உள்ள அதிருப்தியை தெரிவிக்கும் வகையில் அமைச்சர்களுக்கு ஊழல் குற்றச்சாட்டுகளை அனுப்ப வேண்டும் என கமல் கூறி இருந்தார். இதையடுத்து கமலை அரசியலுக்கு வரவேற்று அவரது ரசிகர்கள் போஸ்டர்களை ஒட்டி பரபரப்பை ஏற்படுத்தி வருகின்றனர்.

தரந்தாழாதீர்.வய்து சுவரொட்டிகள் ஒட்டும் செலவு நற்பணிக்குப்போகட்டும். நாடுகாக்கும் நற்பணிக்கு மட்டுமே நீ தேவை இவருக்கு பதிலளிக்க நானே போதும்

— Kamal Haasan (@ikamalhaasan) July 23, 2017

இந்நிலையில் நடிகர் கமல்ஹாசன் ரசிகர்களுக்கு வேண்டுகோள் விடுத்து டுவிட் ஒன்றை போட்டுள்ளார். அதில், தரந்தாழாதீர்.வய்து சுவரொட்டிகள் ஒட்டும் செலவு நற்பணிக்குப்போகட்டும். நாடுகாக்கும் நற்பணிக்கு மட்டுமே நீ தேவை இவருக்கு பதிலளிக்க நானே போதும். இவ்வாறு கமல்ஹாசன் பதிவிட்டுள்ளார்.

English summary

Actor Kamal Hassan today new twitter request to his fans