நடிகர் கமலுக்கு வைரஸ் காய்ச்சல்... இரு தினங்களுக்கு நிகழ்ச்சிகள் ரத்து!

நடிகர் கமலஹாஸனுக்கு வைரஸ் காய்ச்சல் ஏற்பட்டுள்ளதால் அவர் கலந்துகொள்ளவிருந்த நிகழ்ச்சிகள் ரத்து செய்யப்பட்டுள்ளன.

By Suganthi

Updated: Monday, October 9, 2017, 10:58 [IST]

Subscribe to Oneindia Tamil

சென்னை: நடிகர் கமல்ஹாஸனுக்கு காய்ச்சல் இருப்பதால் அவர் கலந்து கொள்ள இருந்த அனைத்து நிகழ்ச்சிகளும் ரத்து செய்யப்பட்டுள்ளது.

நடிகர் கமலஹாஸன் கடந்த சில மாதங்களாக அரசியலில் நுழைவது குறித்து பேசி வருகிறார். அடுத்து மாதம் அவருடைய பிறந்தநாளின் போது புதுக்கட்சி குறித்த அறிவிப்புகளை வெளியிட உள்ளார்.

இதற்காக அவர் தற்போது தீவிரமாக பணியாற்றி வரும் வேளையில் அவருக்கு கடந்த இரண்டு நாட்களாக காய்ச்சல் ஏற்பட்டுள்ளது. அதையடுத்து, அவருடைய ஆழ்வார்பேட்டை இல்லத்துக்கு மருத்துவர்கள் வந்து அவரை சோதித்துப் பார்த்தனர்.

அதில் அவருக்கு வைரஸ் காய்ச்சல் ஏற்பட்டுள்ளது என்றும் சில நாட்கள் பூரண ஓய்வெடுக்க வேண்டும் என்றும் அறிவுறுத்தியுள்ளனர்.

அதனையடுத்து அடுத்த இரு தினங்களுக்கு கமலஹாஸன் கலந்துகொள்ளவிருந்த நிகழ்ச்சிகள் ரத்து செய்யப்பட்டுள்ளன. தற்போது கமலஹாஸன் வீட்டில் ஓய்வெடுத்து வருவதால் அவரை அரசியல் பிரமுகர்களும் ரசிகர்களும் சந்திக்க வேண்டாம் என கூறப்பட்டுள்ளது.