ஆர்.கே.நகர் பிரச்சாரத்தில் சுவாரசியம்.. குண்டு கல்யாணம் தூக்கிய குண்டா!

சென்னை: ஆர்.கே.நகர் தேர்தல் பிரசாரத்தில், சுயேட்சை வேட்பாளர் டிடிவி தினகரனுக்கு ஆதரவாக பிரசாரம் செய்த நடிகர் குண்டு கல்யாணம், குக்கர் மாதிரி ஒரு குண்டாவை தூக்கி வைத்துள்ள போட்டோ வைரலாகியுள்ளது.

அதிமுகவின் தீவிர விசுவாசியான குண்டுகல்யாணம், ஜெயலலிதாவின் பிரச்சார பீரங்கிகளில் ஒருவர். எதிரணியை எவ்வளவு தரக்குறைவாக வேண்டுமானாலும் அடித்து ஆடுவதை ரசிக்க ஒரு கூட்டம் உண்டு.

இப்போது அதிமுக அடிதடிகள் மத்தியில், இவர் தினகரன் தரப்புக்கு ஆதரவாக உள்ளார். ஆர்.கே.நகரில் தினகரன் தரப்பு குக்கர் சின்னத்தில் போட்டியிடுவதால் குண்டு கல்யாணமும் குக்கர் சின்னத்திற்கு வாக்கு சேகரிக்கிறார்.

இவர் உடல் சைசுக்கு குக்கரை தூக்கினால் சரியாக இருக்குமா என குண்டாவையே தூக்கிவிட்டார் அவர். பிரச்சாரத்தில் ஒவ்வொருவரும் ஒரு யுக்தியை பின்பற்றுகிறார்கள்.

முன்னாள் அமைச்சர் செந்தில் பாலாஜி தனது தலையையே பிரச்சார மைதானம் போல மாற்றி இரட்டை இலை சின்னத்திற்கு பிரச்சாரம் செய்ததையெல்லாம் தமிழகம் பார்த்துள்ளது.

English summary

Actor Kundu Kalyanam, seeking vote for TTV Dinakaran in RK Nagar. He is with a vessel picture going viral in social media, as Dinakaran symbol is cooker.