ஓபிஸ் தலைமையில் அதிமுகவினர் அணிதிரள நடிகர் மன்சூர் அலிகான் அழைப்பு!

முதல்வர் ஓ. பன்னீர்செல்வம் தலைமையில் அதிமுகவினர் அணிதிரள வேண்டும் என நடிகர் மன்சூர் அலிகான் அழைப்பு விடுத்துள்ளார்.

சென்னை: முதல்வர் ஓ. பன்னீர்செல்வம் தலைமையில் அதிமுகவினர் அணிதிரள வேண்டும் என நடிகர் மன்சூர் அலிகான் வேண்டுகோள் விடுத்துள்ளார்.

அதிமுகவை கபளீகரம் செய்த மன்னார்குடி கோஷ்டிக்கு எதிராக முதல்வர் ஓ. பன்னீர்செல்வம் போர்க்கொடி தூக்கியிருப்பது மக்களிடையே பெரும் வரவேற்பை பெற்றுள்ளது. ஓ. பன்னீர்செல்வத்துக்கு ஆதரவாக அதிமுக தலைவர்கள் அணி திரண்டு வருகின்றனர்.

இந்த நிலையில் நடிகர் மன்சூர் அலிகான் முதல்வர் ஓ. பன்னீர்செல்வத்துக்கு ஆதரவு தெரிவித்துள்ளார். இது தொடர்பாக நடிகர் மன்சூர் அலிகான் கூறுகையில், மாணவர்களின் ஜல்லிக்கட்டு போராட்டத்தின் போது ஒரு தந்தையை போல கிண்டல்களை எதிர்கொண்டவர் ஓ. பன்னீர்செல்வம்.

அதிமுகவினர் ஓ. பன்னீர்செல்வம் தலைமையில் அணி திரள வேண்டும் என்றார்.

English summary

Actor Mansoor Ali Khan said that ADMK cadres will support to TamilNadu Chief Minister O Panneerselvam.