ரஜினி, கமல் வீட்டுக்கும் ரெய்டு போயிருக்கனும்... சொல்வது நடிகர் மயில்சாமி
நடிகர் விஷால் வீட்டில் ரெய்டு நடத்தப்பட்டதற்கு நடிகர் மயில்சாமி கண்டனம் தெரிவித்துள்ளார்.
சென்னை: விஷால் அலுவலகத்தில் மட்டுமல்ல நடிகர்கள் ரஜினி, கமல் வீட்டுக்கும் கூட ரெய்டு போயிருக்க வேண்டும் என்று நடிகர் மயில்சாமி கூறியிருப்பது பெரும் பரபரப்பை ஏற்படுத்தியுள்ளது.
நியூஸ் 7 சேனலில் நடைபெற்ற விவாத நிகழ்ச்சியில் நடிகர் மயில்சாமி கூறியதாவது:
விஷால் வீட்டுக்கு மட்டுமல்ல நடிகர்கள் ரஜினி, கமல்ஹாசன் வீட்டிலும் ரெய்டுக்கு போயிருக்க வேண்டும். ஜிஎஸ்டியை ஆதரிக்கிறார்களா இல்லையா என மக்களிடம்தான் கேட்க வேண்டும்.
இந்தியாவில் தமிழகம் எனும் மிகப் பெரிய மாநிலத்தை பயங்கரமாக வஞ்சிக்கின்றனர். வாஜ்பாய்க்காக பாஜகவை நான் விரும்பினேன். பிரதமர் மோடி உலகை சுற்றியதற்கு பதிலாக இந்தியாவை சுற்றி வந்திருக்கலாம். அப்போதாவது சாலைகள் தரமாக இருந்திருக்கும்.
பிரதமர் தொடர்ந்து வெளிநாட்டு பயணம் மேற்கொள்கிறார். ஆனால் வறுமையில் இருப்பவர்கள் வறுமையில்தான் இருக்கின்றனர்.
செந்தில் பாலாஜி வீட்டுக்கு ரெய்டுக்கு போனார்களே என்ன ஆனது? ராமமோகன் ராவ், சேகர் ரெட்டி, விஜய பாஸ்கர் வீடுகளுக்கு போனீர்களே என்ன ஆனது?
ஜிஎஸ்டி விவகாரத்தில் விஜய்யை விஷால் ஆதரித்தார் என்பதற்காகத்தான் ரெய்டு நடத்தப்பட்டுள்ளது.
இவ்வாறு மயில்சாமி கூறினார்.
Click it and Unblock the Notifications
Sign in with Google