15 நாள் சினிமாவுக்கு... 15 நாள் அரசியலுக்கு... : சரத்குமார் பிறந்தநாள் சபதம்

சென்னை: தோல்வியை சந்திக்கும் சக்தி இருந்தால்தான் வாழ்க்கையில் வெற்றி பெற முடியும் என்று சமத்துவ மக்கள் கட்சித்தலைவர் சரத்குமார் கூறியுள்ளார். ஒவ்வொரு மாதமும் 15 நாட்கள் சினிமாவிற்காகவும், 15 நாட்கள் அரசியலுக்காகவும் செலவிட முடிவு செய்துள்ளதாகவும் அவர் தெரிவித்துள்ளார்.

Happy bday to my wonderful , classy and a great human being, wishing you the best always😘😘🎈🎈🎉🎉🎂🎂 pic.twitter.com/NDGJo5yTAo

— Radikaa Sarathkumar (@realradikaa) July 13, 2016

சமத்துவமக்கள் கட்சி தலைவரும் நடிகருமான சரத்குமார் தனது 62 வது பிறந்தநாளையொட்டி அவரது கொட்டிவாக்கம் இல்லத்தில் தொண்டர்களை சந்தித்து வாழ்த்துகளைப் பெற்றார். அப்போது செய்தியாளர்களிடம் பேசிய அவர் தோல்வியை சந்திக்கும் சக்தி இருந்தால்தான் வாழ்க்கையில் வெற்றி பெற முடியும் எனக் கூறினார்.

பிறந்த நாள் வாழ்த்து கூறியவர்களின் மத்தியில் அவர் நன்றி கூறி பேசிய சரத்குமார், இன்று முதல் ஒவ்வொரு மாதமும் 15 நாட்கள் சினிமாவிற்காகவும், 15 நாட்கள் அரசியலுக்காகவும் செலவிட முடிவு செய்துள்ளேன். வரும் உள்ளாட்சி தேர்தலில் அதிமுக அணியின் வெற்றிக்காக தமிழகம் முழுவதும் சுற்றுப்பயணம் செய்வேன். எங்கள் கட்சி தொடர்ந்து அதிமுகவுக்கு தனது முழு ஆதரவை அளிக்க முடிவு செய்துள்ளது என்று தெரிவித்தார்.

கணவரின் பிறந்தநாளுக்கு அவரது மனைவி ராதிகா டுவிட்டரில் வாழ்த்து கூறியுள்ளார்.

English summary

Actor Sarathkumar Today Turns 62. He celebrates in his birthday at Kottivakkam house.