திடீர் பிரஸ்மீட்... ஜெயா டிவியை மட்டும் கூப்பிடலையாமே நடிகர் விஜய்?

நடிகர் விஜய் தம்முடைய பிரஸ் மீட்டுக்கு ஜெயா டிவியை அழைக்கவில்லை.

சென்னை: ரூபாய் நோட்டுகள் விவகாரத்தில் திடீரென பத்திரிகையாளர்களை சந்தித்த நடிகர் விஜய், ஜெயா டிவியை மட்டும் அழைக்கவில்லை என கூறப்படுகிறது.

500, 1,000 ரூபாய் நோட்டுகள் செல்லாது என்ற மத்திய அரசின் அறிவிப்பை நடிகர் விஜய் இன்று வரவேற்பதாக கூறியிருந்தார். அதே நேரத்தில் பொதுமக்களுக்கு சிரமம் ஏற்படுகிறது என்ற விமர்சனத்தையும் அவர் முன்வைத்திருந்தார்.

நடிகர் விஜய்யின் இந்த திடீர் செய்தியாளர்கள் சந்திப்புக்கு சில குறிப்பிட்ட டிவிக்கள் மட்டுமே அழைக்கப்பட்டனவாம்.. நாளிதழ்களின் செய்தியாளர்களுக்கு அழைப்பு விடுக்கப்படவில்லையாம்.

அத்துடன் ஜெயா டிவியை விஜய் அழைக்கவில்லை எனவும் கூறப்படுகிறது. ஆளும் கட்சியுடனான மோதல் போக்கால்தான் விஜய் ஜெயா டிவியை அழைக்கவில்லை என்கின்றன பத்திரிகை வட்டாரங்கள்.

English summary

Sources said that Actor Vijay was not invited to Jaya TV for his sudden press conference.