நடிகர் விக்ரம் மகளின் ரூ.12 லட்சம் மதிப்பிலான வைர மோதிரம்... கண்டெடுத்து கொடுத்த கால்டாக்ஸி டிரைவர்
சென்னை: நடிகர் விக்ரமின் மகள் அக்ஷிதாவின் காணமால்போன ரூ.12 லட்சம் மதிப்பிலான மோதிரத்தை, கால்டாக்சி டிரைவர் ஒருவர் கண்டெடுத்து திருப்பிக் கொடுத்துள்ளார். அவரது நேர்மையை அனைவரும் பாரட்டினர்.
நடிகர் விக்ரமின் மகள் அக்ஷிதாவுக்கும், தொழில் அதிபர் சி.கே.ரங்கநாதனின் மகன் ரஞ்சித்துக்கும் திருமணம் நிச்சயிக்கப்பட்டுள்ளது. மணமகன் ரஞ்சித், தி.மு.க. தலைவர் கருணாநிதியின் மகன் மு.க.முத்துவின் மகள் வழி பேரனாவார்.
முன்னதாக ரஞ்சித் மற்றும் அக்ஷிதாவுக்கு திருமண நிச்சயதார்த்தம் நடைபெற்றது. அப்போது, மணமகள் அக்ஷிதாவுக்கு ரூ.12 லட்சம் மதிப்பிலான வைர மோதிரம் அணிவிக்கப்பட்டது. இதனிடையே கடந்த 2-ந் தேதி, ஆயிரம் விளக்கு காதர்நிவாஸ் ரோட்டில் உள்ள ஐஸ்கிரிம் பார்லருக்கு அக்ஷிதா சென்றிருந்தார். அப்போது அவரது கையில் அணிந்திருந்த வைர மோதிரம் தொலைந்துவிட்டது. இது குறித்து ஆயிரம் விளக்கு காவல் நிலையத்தில் புகார் அளிக்கப்பட்டது.
இந்நிலையில் லட்சுமணன் (36) என்பவர் அந்த மோதிரத்தை கண்டெடுத்து திரும்ப ஒப்படைத்துள்ளார். கால் டாக்சி டிரைவரான லட்சுமணன், செங்குன்றம் எடப்பாளையத்தவர். அவருக்கு தனது மனைவி பார்வதி மற்றும் 2 குழந்தைகளுடன் வசித்து வருகிறார். லட்சுமணனின் நேர்மையான குணத்தை அனைவரும் பாராட்டினர்.
Click it and Unblock the Notifications
Sign in with Google