சூர்யாவை கிண்டல் செய்தவர்களை டிஸ்மிஸ் செய்யுங்க... சன் டிவிக்கு நடிகர் சங்கம் கடிதம்
நடிகர் சூர்யா குறித்து தரம் தாழ்ந்து கிண்டல் செய்த ஊழியர்கள் மீது நடவடிக்கை எடுக்க நடிகர் சங்கம் வலியுறுத்தியுள்ளது
சென்னை: நடிகர் சூர்யாவை கிண்டல் செய்த மியூசிக் ஊழியர்கள் மீது நடவடிக்கை எடுக்க கோரி சன் தொலைகாட்சி உரிமையாளருக்கு நடிகர் சங்கம் சார்பாக கடிதம் எழுதப்பட்டுள்ளது.
நடிகர்சூர்யா நடிக்கும் புதிய படம் ஒன்றில்சூர்யாவுடன் அமிதாப்பச்சன் இணைந்து நடிப்பதாக தனியார்தொலைக்காட்சி நிகழ்ச்சி ஒன்றில் பேசிய தொகுப்பாளர்கள்இருவர், அவரது உயரத்தை குறித்துபேசி கிண்டலடித்தது திரையுலகில் கடுமையாக விமர்சிக்கப்பட்டு வருகிறது.
இந்நிலையில்நடிகர் சூர்யாவின் ரசிகர்கள் நேற்று சன் தொலைக்காட்சிஅலுவலகம் முன் கூடினர். தொலைக்காட்சி நிகழ்ச்சி குறித்து கண்டன கோஷம் எழுப்பினர்.
இந்நிலையில் தரம் தாழ்ந்தவர்களை விமர்சனம் செய்து நாம் நமது தரத்தை தாழ்த்திக்கொள்ள வேண்டாம் என நடிகர் சூர்யா தனது ரசிகர்களுக்கு வேண்டுகோள் வைத்ததை அடுத்து ரசிகர்கள்கலைந்து சென்றனர்.
இந்நிலையில் நடிகர் சூர்யாவின் உயரம் பற்றி விமர்சித்தவர்கள் மீது நடவடிக்கை எடுக்கக் கோரி சன் தொலைகாட்சி நிறுவனத் தலைவருக்கு நடிகர் சங்கம் சார்பில் கடிதம் அனுப்பப்பட்டுள்ளது.
அதில், தனிப்பட்ட ஒருவரைப் பற்றி அநாகரிகமான விமர்சனங்களை வெளியிடுவது பொருத்தமானது இல்லை எனக் குறிப்பிடப்பட்டுள்ளது. அந்த நிகழ்ச்சி ஒளிபரப்புக்குக் காரணமானவர்கள் மீது நடவடிக்கை எடுப்பதுடன், இதுபோன்ற காட்சிகள் இனி ஒளிபரப்பாகாது என்ற உத்தரவாதத்தை அளிக்கவும் வலியுறுத்தப்பட்டுள்ளது.
Click it and Unblock the Notifications
Sign in with Google