நடிகர்கள் அரசியலுக்கு வரலாம்.. ஆனால் வெற்றி பெற முடியாது: அமைச்சர் சி.வி. சண்முகம்
நடிகர்கள் அரசியலுக்கு வரலாம் ஆனால் வெற்றி கிடைக்காது என்று அமைச்சர் சி.வி. சண்முகம் விமர்சித்துள்ளார்.
விழுப்புரம்: நடிகர்கள் அரசியலுக்கு வருவது வேண்டுமானால் நடக்கலாம் ஆனால், அவர்களுக்கு வெற்றி கிடைப்பது கஷ்டம் என்று அமைச்சர் சண்முகம் விழுப்புரம் மாவட்டத்தில் நடந்த கூட்டத்தில் பேசியுள்ளார்.
மறைந்த முன்னாள் முதல்வர் ஜெயலலிதாவின் பிறந்தநாள் பொதுக்கூட்டம் விழுப்புரம் அருகே மந்தரை திடலில் நடைபெற்றது. இந்தக்கூட்டத்தில் அமைச்சர் சி.வி.சண்முகம் உரையாற்றினார்.
அவர் பேசும்போது, அதிமுகவை முடக்கிவிடலாம் என்கிற சிலரின் பகல் கனவு ஒரு போதும் பலிக்காது. ஜெயலலிதாவோடு 30 ஆண்டுகள் இருந்தது மட்டுமே அரசியலுக்கான தகுதி ஆகிவிடாது.
யார் யாரோடு கூட்டணி வைத்து அதிமுகவை அழிக்க நினைத்தாலும் அது நடக்காது. திமுக தான் தமிழகத்தில் இருக்கக்கூடிய பிரச்னைகள் அனைத்திற்கும் காரணம். குறிப்பாக காவிரி, முல்லைப் பெரியாறு, கச்சத்தீவு பிரச்னைகளின் துவக்கம் திமுக தான்.
இப்போது அவர்களே இதற்கு தீர்வு காணப்போவதாக மக்களிடம் சொல்லி வருவது வேடிக்கையாக இருக்கிறது. வரும் உள்ளாட்சி மற்றும் நாடாளுமன்ற, சட்டமன்றத் தேர்தல்களிலும் அதிமுக வெற்றி பெறும்.
ஒன்றன் பின் ஒன்றாக அரசியலுக்கு வரும் நடிகர்கள் கட்சி வேண்டுமானால் ஆரம்பிக்கலாம் ஆனால், வெற்றி அவர்களுக்குக் கிடைக்கப்போவது இல்லை என்று சி.வி. சண்முகம் பேசியுள்ளார்.
Click it and Unblock the Notifications
Sign in with Google