அதிமுகவுக்காக.... நான் கொடுத்து வைத்திருக்க வேண்டும் - நடிகை பபிதா
ஈரோடு: அதிமுக சார்பில் பிரச்சாரம் செய்வதில் தான் மிகவும் பெருமை கொள்வதாக முன்னாள் கவர்ச்சி நடிகை பபிதா கூறியுள்ளார்.
அதிமுக வேட்பாளர்களை ஆதரித்து நடிகை பபிதா தமிழகம் முழுவதும் தீவிர சுற்றுப்பயணம் செய்து பிரசாரம் செய்து வருகிறார்.
ஈரோடு மாவட்டத்தில் உள்ள பகுதிகளில் திருப்பூர் அதிமுக வேட்பாளர் சத்யபாமாவை ஆதரித்து நடிகை பபிதா பேசினார்.
நண்பர் மகள்:
அப்போது அவர் "எனது தந்தை ஜஸ்டின் ஸ்டண்ட் நடிகர். புரட்சித் தலைவர் எம்.ஜி.ஆரின் நெருங்கிய நண்பர். அவரது மகள் நான்.
பூவோடு சேர்ந்த நாரும் மணக்கும்:
பூவோடு சேர்ந்து நாரும் மணப்பது போல புரட்சித்தலைவிக்கு வாக்கு சேகரிக்க வாய்ப்பு கிடைத்தமைக்காக நான் பெருமிதம் அடைகிறேன்.
நலத்திட்டங்கள்:
இன்னைக்கு தமிழ்நாட்டில் குழந்தைகள் முதல் பெரியோர் வரை அனைத்து தரப்பு மக்களும் பயன்பெறும் வகையில் ஜெயலலிதா பல்வேறு நலத்திட்டங்களை நிறைவேற்றி வருகிறார்.
ஜெயலலிதா பிரதமராக வேண்டும்:
இந்த திட்டங்கள் அனைத்தும் இந்திய மக்களுக்கு சென்றடைந்து அனைவரும் பயனடைய 40 தொகுதிகளையும் அதிமுக கைப்பற்றி ஜெயலலிதா பிரதமராக வேண்டும்" என்று பேசினார் அவர்.
Click it and Unblock the Notifications
Sign in with Google