ஜெயலலிதாவிற்கு மகளா? சொத்துக்காக புரளி கிளப்புவதா?... கேட்கிறார் லதா

ஜெயலலிதா உயிரோடு இருக்கும் போது சொல்லாமல் இப்போது மகள் இருப்பதாகச் சொல்வது உள்நோக்கம் கொண்டது என்று நடிகை லதா கூறியுள்ளார்.

By Mayura Akilan

Published: Tuesday, December 5, 2017, 13:29 [IST]

Subscribe to Oneindia Tamil

Recommended Video

ஜெயலலிதாவிற்கு மகளா? சொத்துக்காக புரளி கிளப்புவதா?...கேட்கிறார் லதா- வீடியோ

சென்னை: ஜெயலலிதாவிற்கு மகள் இருப்பதாகச் சொல்வது உள்நோக்கம் கொண்டது. சொத்துக்காக பலர் புரளி பரப்புவதா என்று லதா கேட்டுள்ளார்.

ஜெயலலிதாவுக்கு குழந்தை இருந்ததா என்பது எனக்குத் தெரியாது. அப்படி இருந்திருந்தால் ஜெயலலிதாவே தன்னுடன் வைத்துக்கொண்டிருப்பார் என்று நடிகை லதா கூறியுள்ளார்.

ஜெயலலிதா உயிரோடு இருக்கும் போது சொல்லாமல் இப்போது மகள் இருப்பதாகச் சொல்வது ஏன் என்றும் அவர் கேள்வி எழுப்பியுள்ளார்.

ஜெயலலிதாவிற்கு மகள்

மதுரையில் செய்தியாளர்களிடம் பேசிய லதா, ஜெயலலிதாவுக்கு குழந்தை இருப்பதாகக் கூறுவதை நான் வன்மையாகக் கண்டிக்கிறேன். ஜெயலலிதா உயிரோடு இருக்கும் போது சொல்லாமல் இப்போது மகள் இருப்பதாகச் சொல்வது உள்நோக்கம் கொண்டது.

தனிப்பட்ட வாழ்க்கை

ஒருவரின் தனிப்பட்ட வாழ்க்கை எப்படி வேண்டுமானாலும் இருக்கலாம். அதை விமர்சனம் செய்ய யாருக்கும் உரிமை கிடையாது. யாரும் விமர்சிக்கவும் முடியாது.

ஜெயலலிதா மறுக்க மாட்டார்

ஜெயலலிதாவுக்கு குழந்தை இருந்ததா என்பது எனக்குத் தெரியாது. அப்படி இருந்திருந்தால் ஜெயலலிதாவே தன்னுடன் வைத்துக்கொண்டிருப்பார். எந்தத் தாயும் தனக்கு குழந்தை இல்லை என்று மறுக்க மாட்டார் என்றும் கூறியுள்ளார் லதா.

ஜெயலலிதாவிற்கு பெண் குழந்தை

ஜெயலலிதாவிற்கு பெண் குழந்தை பிறந்தது என்று அவரது அத்தை மகள் லலிதா பரபரப்பு தகவலை கூறியுள்ளார். ஷைலஜாவின் மகள் அம்ருதா இப்போது புது புயலை கிளப்பியுள்ளார். ஜெயலலிதாதான் தனது அம்மா என்று கூறவே பரபரப்பு பற்றிக்கொண்டது. ஜெயலலிதாவின் அண்ணன் வாசுதேவனோ, ஜெயலலிதாவிற்கு 2 குழந்தைகள் பிறந்துள்ளதாக கூறியுள்ளார் என்பது குறிப்பிடத்தக்கது.

Published On December 5, 2017