அதிமுகவில் வெண்ணிற ஆடை நிர்மலா- ஜெ.வுடன் சேர்ந்து நடித்தவர்!
சென்னை: பழம்பெரும் நடிகை வெண்ணிற ஆடை நிர்மலா அதிமுகவில் இணைந்துள்ளார்.
அதிமுக தலைமைக் கழககத்தில் நடந்த நிகழ்ச்சியின்போது பல்வேறு கட்சிகளைச் சேர்ந்தவர்கள் கட்சி பொதுச் செயலாளரான முதல்வர் ஜெயலலிதா முன்னிலையில் கட்சியில் இணைந்தனர்.
அவர்களுக்கு வாழ்த்துக்களையும் , வரவேற்பையும் தெரிவித்த முதல்வர் ஜெயலலிதா உறுப்பினர் அட்டையை வழங்கினார்.
முதல்வர் ஜெயலலிதாவை சந்தித்து நடிகை வெண்ணிற ஆடை நிர்மலா கட்சியில் இணைந்தார். அவர் முதல்வர் ஜெயலலிதாவின் முதல் படமான வெண்ணிற ஆடை மூலம் நடித்து அறிமுகமானவர் என்பது குறிப்பிடத்தக்கது.
இதேபோல சமீபத்தில் அதிமுகவில் தன்னைப் பிணைத்துக் கொண்ட பண்ருட்டி ராமச்சந்திரன் சிலரை கட்சிக்குக் கூட்டி வந்தார். அதாவது 300 தேமுதிகவினரை இன்று கட்சிக்குக் கூட்டி வந்தார். அவர்களும் முதல்வர் முன்னிலையில் அதிமுகவில் இணைந்தனர்.
குஜராத்திலிருந்து அதிமுகவுக்கு வந்த தொண்டர்கள்
அதேபோல குஜராத், மத்தியப் பிரதேசம், உ.பி. போன்ற வெளி மாநிலங்களைச் சேர்ந்த 193 பேரை டாக்டர் மைத்ரேயன் கட்சிக்கு கூட்டி வந்து இன்று ஜெயலலிதா முன்னிலையி்ல அவர்களை இணைத்தார்.
Click it and Unblock the Notifications
Sign in with Google