ஸ்டாலினையும், அழகிரியையும் ஒரே மேடையில் பேச வைங்க பார்ப்போம்: கருணாநிதிக்கு விந்தியா சவால்

By Siva

Published: Thursday, May 12, 2016, 9:49 [IST]

Subscribe to Oneindia Tamil

விருதுநகர்: எங்க ஸ்டாலினையும், அழகிரியையும் கருணாநிதி ஒரே மேடையில் பேச வைக்கட்டும் பார்ப்போம் என நடிகை விந்தியா தெரிவித்துள்ளார்.

சட்டசபை தேர்தலில் விருதுநகர் தொகுதியில் அதிமுக சார்பில் போட்டியிடும் கலாநிதிக்கு ஆதரவாக நடிகை விந்தியா பிரச்சாரம் செய்தார். அல்லம்பட்டியில் அவர் மக்களிடம் தீவிர வாக்கு சேகரிப்பில் ஈடுபட்டார்.

அப்போது அவர் கூறுகையில்,

தேறாத அறிக்கை

அதிமுகவின் தேர்தல் அறிக்கையில் பல நல்ல திட்டங்கள் அறிவிக்கப்பட்டுள்ளன. திமுகவின் தேர்தல் அறிக்கை ஒரு தேறாத அறிக்கை. தமிழக மக்களுக்கு அல்லாமல் குடும்பத்தாருக்காக திட்டம் போடும் கட்சி திமுக.

கருணாநிதி

குடும்ப நலனை மனதில் வைத்து திமுகவின் தேர்தல் அறிக்கை தயாரிக்கப்பட்டுள்ளது. அனைவரும் தாங்கள் செய்த சாதனைகளை மக்களிடம் தெரிவித்து வாக்கு கேட்பார்கள். ஆனால் கருணாநிதியும், ஸ்டாலினும் தங்களின் வயதை கூறி வாக்கு கேட்கிறார்கள்.

அழகிரி

சோனியாவுடன் ஒரே மேடையில் பேசியது, ஸ்டாலினும், ராகுல் காந்தியும் ஒரே மேடையில் பேசியது ஆகியவற்றை நினைத்து மகிழ்ச்சி அடைகிறார் கருணாநிதி. எங்கே, ஸ்டாலினையும், அழகிரியையும் ஒரே மேடையில் பேச வையுங்கள் பார்ப்போம்.

அனுதாப வாக்கு

கருணாநிதியை வைத்து பெரிய நாடகமாடி மக்களின் அனுதாப வாக்குகளை பெற திமுக திட்டமிட்டுள்ளது தெரிய வந்துள்ளது. அனுதாப வாக்குகள் பெற திமுக நடத்த உள்ள நாடகத்தை மக்கள் யாரும் நம்ப வேண்டாம்.

Published On May 12, 2016