காமெடி பீஸு.. சிப்பு சிப்பா வருது.. திமுக தேர்தல் அறிக்கையை கிண்டலடிக்கும் விந்தியா!

கரூர்: திமுகவின் தேர்தல் அறிக்கை ஹீரோ என அக்கட்சியினர் கூறி வருகையில் அந்த அறிக்கையை பார்த்தாலே சிரிப்பு வருவதாக நடிகை விந்தியா தெரிவித்துள்ளார்.

திமுகவினர் தங்களின் தேர்தல் அறிக்கை பற்றி பெருமையாக பேசி வருகிறார்கள். தேர்தல் அறிக்கை தான் ஹீரோ காங்கிரஸ்-திமுக கூட்டணி வெற்றி பெற்ற அந்த தேர்தல் அறிக்கை ஒன்று போதும் என்று திமுக பொருளாளர் ஸ்டாலின், எம்.பி. கனிமொழி உள்ளிட்டோர் தெரிவித்து வருகிறார்கள்.

இந்நிலையில் கரூரில் அதிமுக வேட்பாளர் விஜயபாஸ்கருக்கு ஆதரவாக பிரச்சாரம் செய்த நடிகை விந்தியா கூறுகையில்,

திமுக தேர்தல் அறிக்கை

தமிழக மக்களுக்கு எதிராக செய்ததை எல்லாம் மறைத்து திமுக பொய்யான தேர்தல் அறிக்கையை வெளியிட்டுள்ளது. எனக்கு பிடித்த காமெடி படம் ரஜினி நடித்த தில்லு முல்லு. ஆனால் அதை விட பெரிய காமெடி திமுகவின் தில்லுமுல்லு அறிக்கை. சில அறிக்கையை படித்தால் தான் சிரிப்பு வரும். ஆனால் திமுகவின் தேர்தல் அறிக்கையை பார்த்தாலே சிரிப்பு வரும்.

கருணாநிதி

கருணாநிதி முதல்வரானால் என்ன செய்வார் என எனக்கு தெரியாது. ஆனால் அவர் முதல்வர் ஆவதற்காக என்ன வேண்டுமானாலும் செய்வார்.

திமுகவினர்

திருடுவதற்காக திட்டமிட்டவர்கள் திமுகவினர். ஆனால் தற்போது திட்டங்களையே திருடுகிறார்கள். மீத்தேன் திட்டத்திற்கு அனுமதி வழங்கியது. கச்சத்தீவை தாரை வார்த்தது, ஜல்லிக்கட்டுக்கு தடை விதித்தது உள்ளிட்ட தமிழக மக்களுக்கு எதிரான செயல்களை திமுக செய்துள்ளது.

மது விலக்கு

மதுக் கடைகளை திறந்து வைத்தது திமுக தான். ஆனால் தற்போது மதுவிலக்கை கொண்டு வருவதாக கூறி வருகிறது. கொளுத்தும் வெயிலை கூட தாங்கலாம் போல ஆனால் திமுகவினர் கூறும் பொய்களை தாங்க முடியவில்லை.

English summary

Actress Vindhya made fun of DMK's election manifesto while campaigning in Karur.