அதிமுக கூட்டணி வேட்பாளர்களில் 7 கிறிஸ்தவர்கள், 6 முஸ்லீம் வேட்பாளர்கள்!
சென்னை: திமுக கூட்டணியில், கூட்டணிக் கட்சிகளுக்கு மட்டும் 10 இடங்களை திமுக ஒதுக்கியுள்ளது. இந்த நிலையில் அதிமுக கூட்டணியில் அதிமுக மற்றும் கூட்டணிக் கட்சிகளையும் சேர்த்து 6 முஸ்லீம்களுக்கு வாய்ப்பு தரப்பட்டுள்ளது. அதே போல 7 கிறிஸ்துவர்களுக்கு வாய்ப்பு தரப்பட்டுள்ளது.
திமுக கூட்டணியில் இரண்டு பெரிய முஸ்லீம் கட்சிகள் இடம் பெற்றுள்ளன. இந்திய யூனியன் முஸ்லீம் லீக் மற்றும் மனித நேய மக்கள் கட்சி ஆகிய அந்த இரண்டு கட்சிகளுக்கும் தலா 5 தொகுதிகளை திமுக அளித்துள்ளது.
இதுபோக திமுக வேட்பாளர்களிலும் முஸ்லீம்களுக்கு வாய்ப்பு கிடைக்கும். எனவே திமுக கூட்டணியில் முஸ்லீம் சமுதாய பிரதிநிதித்துவம் நிச்சயம் 10க்கு மேல் போய் விடும். ஆனால அதிமுக அதில் பின்தங்கியே உள்ளது.
அதிமுக சார்பில் 4 பேர்
அதிமுக சார்பில் நான்கு முஸ்லீம் வேட்பாளர்களுக்கே வாய்ப்பு கிடைத்துள்ளது. சேப்பாக்கம்-திருவல்லிக்கேணி, வாணியம்பாடி, நத்தம், பாளையங்கோட்டை ஆகிய தொகுதிகளில் அதிமுக சார்பில் முஸ்லீம் வேட்பாளர்கள் அறிவிக்கப்பட்டுள்ளனர்.
2 பெண் - 2 ஆண்
இதில் சேப்பாக்கம் தொகுதியில் நூர்ஜஹான், வாணியம்பாடியில் டாக்டர் நீலோபர் என இரு பெண்களும், நத்தம், பாளையங்கோட்டையில் ஆண்களும் நிறுத்தப்பட்டுள்ளனர்.
மனிதநேய ஜனநாயகக் கட்சிக்கு 2 இடம்
இவர்கள் தவிர தமிமுன் அன்சாரியின் மனிதநேய ஜனநாயகக் கட்சிக்கு 2 இடங்களைக் கொடுத்துள்ளார் ஜெயலலிதா. எனவே இவர்களையும் சேர்த்தால் அதிமுக கூட்டணியில் 6 முஸ்லீம் வேட்பாளர்கள் வருகிறார்கள்.
கிறிஸ்தவர்கள் 7 பேர்
கிறிஸ்தவ வேட்பாளர்கள் எண்ணிக்கையைப் பார்த்தால் அது 7 பேர் வருகிறது. மதுரவாயல்: பா.பென்ஜமின், அம்பத்தூர்: ஏ. அலெக்சாண்டர், மானாமதுரை (தனி) : மாரியப்பன் கென்னடி, ராதாபுரம்: லாரன்ஸ், நாகர்கோவில் டாரதி சேம்சன், விளவங்கோடு நாஞ்சில் டொமினிக் (எ) டொமினிக் சாவியோ ஜார்ஜ், கிள்ளியூர் மேரி கமலா பாய் ஆகியோரே அவரகள்.
Click it and Unblock the Notifications
Sign in with Google